భర్తని బుక్ చేద్దామని భార్య కన్నింగ్ ప్లాన్.. కాపాడిన పోలీసులు

ఆయనో ఆటోడ్రైవర్. రోజూ ఇంటికి లేటుగా వెళ్లేవాడు. ఒక్కోరోజు అసలు ఇంటికే వెళ్లడం మానేశాడు. అసలు విషయమేంటో అర్థంకాని భార్య అనుమానం పెంచుకుంది. తన భర్త మరొకరితో ఎఫైర్ పెట్టుకున్నాడని అపోహ పడింది. మరో మహిళతో ఉంటున్నాడని అనుమానించి కసి తీర్చుకునేందుకు కన్నింగ్ ప్లాన్ వేసింది. ఆటోలో డ్రగ్స్ పెట్టి పోలీసులకు ఫోన్ చేసి సమాచారమిచ్చింది. రంగంలోకి దిగిన పోలీసులు ఆమెకు ఊహించని షాకిచ్చారు. భార్యని అరెస్టు చేసి కటకటాల వెనక్కి నెట్టారు. ఈ షాకింగ్ ఘటన హర్యానాలోని ఫరీదాబాద్‌లో జరిగింది.

ఉత్తర్ ప్రదేశ్‌కి చెందిన భార్యాభర్తలు నగరానికి వలసొచ్చి ఎస్జీఎం నగర్‌లో నివాసముంటున్నారు. ఆటో నడుపుకుంటూ కుటుంబాన్ని పోషిస్తున్న భర్త రోజూ ఇంటికి ఆలస్యంగా వచ్చేవాడు. అప్పడప్పుడూ అసలు ఇంటికి రావడం లేదు. దీంతో భర్త ప్రవర్తనపై భార్య అనుమానపడింది. తన భర్త మరొక మహిళతో వివాహేతర సంబంధం పెట్టుకున్నాడన్న అనుమానంతో రగిలిపోయింది.

ఎలాగైనా భర్తని ఇబ్బంది పెట్టాలన్న ఉద్దేశంతో కన్నింగ్ ప్లాన్ వేసింది. ఢిల్లీ వెళ్లి గంజాయి కొనుక్కొచ్చింది. సుమారు 700 గ్రాముల గంజాయిని తన భర్త ఆటోలో పెట్టింది. అనంతరం ఏమీ ఎరగనట్టు గుర్తు తెలియని మహిళ మాదిరిగా పోలీసులకు ఫోన్ చేసి ఫిర్యాదు చేసింది. గంజాయి విషయం చెప్పి భర్తను బుక్ చేయాలని చూసింది. భర్తను అదుపులోకి తీసుకున్న పోలీసులు విచారణ జరపడంతో అసలు కిలాడీ భార్యేనని తెలిసి ఆమెకు షాకిచ్చారు. కన్నింగ్ లేడీని అరెస్టు చేసి కటకటాల వెనక్కి నెట్టారు.

Also Read: