మహిళా ఆర్మీపై ఆర్మీ చీఫ్ సంచలన కామెంట్లు

ఆర్మీలో మహిళా సైనికులకు ప్రత్యేక వసతులు ఏమీ లేవని, వారు కూడా పురుష సైనికులతో సమానంగా గుర్తించబడతారని ఆర్మీ చీఫ్ బిపిన్ రావత్ స్పష్టం చేశారు.
వివిధ విధుల్లో ముందు వరసులో ఉండే మహిళా అభ్యర్థులకు కూడా ఇందులో మినహాయింపేమీ లేదని ఆయన అన్నారు.

తీరప్రాంతాల్లో, సరిహద్దుల్లో పెట్రోలింగ్ విధులు నిర్వహించే పురుష అభ్యర్థులు స్వతహాగా వంటలు చేసుకుంటారని, ట్యాంకుల కింద నిద్రపోతారని, అలాంటి వారికి టాయిలెట్లు సైతం ఉండవని రావత్ గుర్తు చేశారు.

‘‘శత్రువుతో పోరాడే విధుల్లో, ముందు వరసులో మహిళ సైనికులను నిలబెట్టాలంటే పురుష సైనికులు నిర్వహించే విధులే వారు నిర్వహించాలి. పురుష సైనికులు నిర్వర్తించే టాస్క్ లనే మహిళలు కూడా పూర్తి చేయాల్సి ఉంటుంది’’ అని రావత్ అన్నారు.

ఒక్కో యుద్ధ ట్యాంకుల్లో ముగ్గురు సైనికులు ఉంటారు. అందులో ఒకరిద్దరు మహిళలుండాలంటే వారు ప్రత్యేక వసతులు అడగకుండా..ఎలాంటి పరిస్థితులకు తట్టుకుంటామంటేనే వారిని నియమిస్తామని ఆయన తెలిపారు. అయితే పురుషు అభ్యర్థులతో అలాంటి ట్యాంకుల్లో పనిచేయాలనేది పూర్తి మహిళ సైనికులదే తుది నిర్ణయమని రావత్ చెప్పారు.