యడియూరప్ప రాజీనామాతో ఖాళీ అయిన కర్ణాటక ముఖ్యమంత్రి పీఠాన్ని బసవరాజ్ బొమ్మై నేడు అధిష్ఠించనున్నారు. సీఎం రేసులో అనేక మంది నేతలు పోటీ పడినా చివరికి బసవరాజ్‌నే అదృష్టం వరించింది. యడ్డీ సూచన మేరకు లింగాయత్ వర్గానికి చెందిన బసవరాజునే సీఎంగా బీజేపీ అధిష్ఠానం ఖరారు చేసింది. అయితే ఇప్పుడు యడియూరప్ప భవిష్యత్‌ కార్యాచరణ ఏంటన్నది హాట్‌టాపిక్‌గా మారింది. అధిష్ఠానం సూచన మేరకు ముఖ్యమంత్రి పదవి నుంచి వైదొలగిన యడియూరప్ప క్రియాశీలక రాజకీయాల్లోనే కొనసాగాలని నిర్ణయించుకున్నట్లు తెలుస్తోంది.
దీంతో గవర్నర్ పదవి ఇవ్వజూపినా తాను అంగీకరించబోననే సంకేతాలను ఆయన పరోక్షంగా అధిష్ఠానం పెద్దలకు పంపినట్లయింది. అయితే యడియూరప్ప క్రియాశీలక రాజకీయాల్లో కొనసాగాలని నిర్ణయించుకోవడం అధిష్ఠానం పెద్దలకు ఏమాత్రం మింగుడుపడటం లేదు. రాష్ట్ర రాజకీయాల్లో ఆయన కొనసాగితే నూతన ముఖ్యమంత్రికి తలనొప్పులు తప్పవని భావిస్తున్నారు. తన కొడుకు విజయేంద్రకు మంచి రాజకీయ భవిష్యత్తును అందించాలన్న కృతనిశ్చయంతోనే యడ్డీ ఈ నిర్ణయం తీసుకుని ఉండొచ్చని రాజకీయ పరిశీలకులు అభిప్రాయపడుతున్నారు.
దీంతో గవర్నర్ పదవి ఇవ్వజూపినా తాను అంగీకరించబోననే సంకేతాలను ఆయన పరోక్షంగా అధిష్ఠానం పెద్దలకు పంపినట్లయింది. అయితే యడియూరప్ప క్రియాశీలక రాజకీయాల్లో కొనసాగాలని నిర్ణయించుకోవడం అధిష్ఠానం పెద్దలకు ఏమాత్రం మింగుడుపడటం లేదు. రాష్ట్ర రాజకీయాల్లో ఆయన కొనసాగితే నూతన ముఖ్యమంత్రికి తలనొప్పులు తప్పవని భావిస్తున్నారు. తన కొడుకు విజయేంద్రకు మంచి రాజకీయ భవిష్యత్తును అందించాలన్న కృతనిశ్చయంతోనే యడ్డీ ఈ నిర్ణయం తీసుకుని ఉండొచ్చని రాజకీయ పరిశీలకులు అభిప్రాయపడుతున్నారు.