ఢిల్లీలో పాలనాధికారం ప్రజలచేత ఎన్నికైన ప్రభుత్వానిదేనని సర్వోన్నత న్యాయస్థానం ఇచ్చిన స్పష్టమైన తీర్పు వెలువరించిన విషయం తెలిసిందే. దీనికి వ్యతిరేకంగా నగర పాలనపై సర్వాధికారాలు లెఫ్టినెంట్‌ గవర్నర్‌ (ఎల్జీ)కు కట్టబెడుతూ కేంద్రం శుక్రవారం ఆర్డినెన్స్‌ను జారీచేసింది. ఢిల్లీలో గ్రూప్‌ (ఏ) అధికారుల పోస్టింగ్‌, బదిలీలపై ఎన్నికైన ప్రభుత్వ అధికారాలను తొలగిస్తూ.. దాని స్థానంలో కొత్తగా నేషనల్ క్యాపిటల్ సివిల్ సర్వీస్ అథారిటీ అనే ఓ కమిటీని ఏర్పాటుచేసింది. ఈ బిల్లు త్వరలో పార్లమెంట్‌ ముందుకు రానుంది.
ఈ నేపథ్యంలో నేషనల్ క్యాపిటల్ సివిల్ సర్వీస్ అథారిటీ ఆర్డినెన్స్‌ను ఉమ్మడిగా కలిసి అడ్డుకోవాలని ఢిల్లీ ముఖ్యమంత్రి అరవింద్ కేజ్రీవాల్ విపక్షాలకు పిలుపునిచ్చారు. రాజ్యసభలో ఈ బిల్లు ఆమోదం పొందకుండా చూడాలని ఆయన కోరారు. లోక్‌సభలో బీజేపీకి సొంతంగా మెజార్టీ ఉండటంతో అక్కడ గట్టెక్కినా.. రాజ్యసభలో ఈ ఆర్డినెన్స్ ఆమోదానికి తగినంత మెజార్టీ లేదు. అవసరమైన సంఖ్యా బలం లేకపోయినా.. వైఎస్ఆర్సీపీ, బీజేడీలు మద్దతిస్తాయని కమలదళం ఆశలు పెట్టుకుంది.
ఈ ఆర్డినెన్స్ ఢిల్లీ ప్రజల ప్రయోజనాలను దృష్టిలో ఉంచుకుని, రాజ్యాంగ నిబంధనలను అనుసరించి రూపొందించినట్టు బీజేపీ అధికార ప్రతినిధి, రాజ్యసభ ఎంపీ అనిల్‌ బలూనీ తెలిపారు. ఉభయ సభల్లోనూ ఎన్డీయేకు సంఖ్యాబలం ఉందని, బిల్లు ఆమోదానికి ఇతర పార్టీలు కూడా మద్దతుగా నిలుస్తాయని భావిస్తున్నామని ఆయన పేర్కొన్నారు. ఆప్ పట్ల శత్రుత్వం, సంఘీభావం మధ్య ఊగిసలాడుతున్న కాంగ్రెస్ కూడా ఈ బిల్లుపై తన వైఖరిని స్పష్టం చేయవలసి ఉంటుంది.
Read More Latest National News And Telugu News
ఈ నేపథ్యంలో నేషనల్ క్యాపిటల్ సివిల్ సర్వీస్ అథారిటీ ఆర్డినెన్స్‌ను ఉమ్మడిగా కలిసి అడ్డుకోవాలని ఢిల్లీ ముఖ్యమంత్రి అరవింద్ కేజ్రీవాల్ విపక్షాలకు పిలుపునిచ్చారు. రాజ్యసభలో ఈ బిల్లు ఆమోదం పొందకుండా చూడాలని ఆయన కోరారు. లోక్‌సభలో బీజేపీకి సొంతంగా మెజార్టీ ఉండటంతో అక్కడ గట్టెక్కినా.. రాజ్యసభలో ఈ ఆర్డినెన్స్ ఆమోదానికి తగినంత మెజార్టీ లేదు. అవసరమైన సంఖ్యా బలం లేకపోయినా.. వైఎస్ఆర్సీపీ, బీజేడీలు మద్దతిస్తాయని కమలదళం ఆశలు పెట్టుకుంది.
ఈ ఆర్డినెన్స్ ఢిల్లీ ప్రజల ప్రయోజనాలను దృష్టిలో ఉంచుకుని, రాజ్యాంగ నిబంధనలను అనుసరించి రూపొందించినట్టు బీజేపీ అధికార ప్రతినిధి, రాజ్యసభ ఎంపీ అనిల్‌ బలూనీ తెలిపారు. ఉభయ సభల్లోనూ ఎన్డీయేకు సంఖ్యాబలం ఉందని, బిల్లు ఆమోదానికి ఇతర పార్టీలు కూడా మద్దతుగా నిలుస్తాయని భావిస్తున్నామని ఆయన పేర్కొన్నారు. ఆప్ పట్ల శత్రుత్వం, సంఘీభావం మధ్య ఊగిసలాడుతున్న కాంగ్రెస్ కూడా ఈ బిల్లుపై తన వైఖరిని స్పష్టం చేయవలసి ఉంటుంది.
Read More Latest National News And Telugu News