జకీర్ నాయక్‌పై నాన్-బెయిలబుల్ వారెంట్

వివాదాస్పద మతగురువు జకీర్ నాయక్ పై జాతీయ భద్రత సంస్థ (ఎన్ఐఏ) కోర్టు నాన్ బెయిలబుల్ వారెంటు జారీ చేసింది. గత వారం కూడా ఆయనపై ఓ కోర్టు మనీలాండరింగ్ కేసులో నాన్ బెయిలబుల్ వారెంటు జారీ చేసిన సంగతి తెలిసిందే.

మత బోధనల ద్వారా యువతను తీవ్రవాదం వైపు మళ్లిస్తున్నారని జకీర్ పై గతేడాది ఎన్ఐఏ కేసు నమోదు చేసింది. తనపై నమోదైనా కేసు విచారణకు మూడుసార్లు సమన్లు జారీ చేసినా జకీర్ హాజరుకాలేదు. దీంతో ఇప్పుడు ఎన్ఐఏ అతణ్ని అరెస్టు చేసేందుకు ఇంటర్ పోల్ సాయం పొందాలని నిర్ణయించింది.

జకీర్ నాయక్ పై మనీలాండరింగ్ కేసు కూడా నమోదైంది. జకీర్ ప్రస్తుతం అరబ్ ఎమిరేట్స్ లో తలదాచుకున్నట్లు సమాచారం.

గతేడాది బంగ్లాదేశ్ రాజధాని ఢాకాలో తీవ్రవాదులు జరిపిన దాడులకు జకీర్ మతబోధనలే ప్రేరేపణ అని ఆ టెర్రర్ యాక్టివిటీలో పాల్గొన్న అనుమానిత తీవ్రవాది చెప్పాడు. దీంతో ఎన్ఐఏ జకీర్ పై కేసు నమోదు చేసింది. కేసు నమోదైన గతేడాదే అరెస్టు నుంచి తప్పించుకునేందుకు ఆయన భారత్ విడిచి వెళ్లిపోయాడు.