అందుకే పిల్లలకు ఫోన్ ఇవ్వద్దంటారు

రెండేళ్ల పాప ఐఫోన్‌ను ఏకంగా 47 ఏళ్ల పాటు ఎందుకు పనికి రాకుండా లాక్ చేసేసింది. చైనాలోని షాంఘైలో ఈ ఘటన చోటుచేసుకుంది. ఆఫీస్ నుంచి ఇంటికి వచ్చిన 'లూ' అనే మహిళ పనికిరాకుండా పోయిన ఐఫోన్‌ను చూసుకొని ఆందోళన చెందింది. లాక్ విప్పేందుకు రెండు నెలల పాటు విశ్వప్రయత్నం చేసింది. లాభం లేకపోవడంతో చివరకు ఐఫోన్ స్టోర్‌ను ఆశ్రయించింది. ఏకధాటిగా తప్పుడు పాస్‌వర్డ్ పదే పదే టైప్ చేయడం వల్ల ఫోన్ లాక్ అయిందని స్టోర్ కీపర్ అసలు విషయం చెప్పేశాడు. ఫ్యాక్టరీ సెట్టింగ్‌లోకి వెళ్లి మొత్తం డాటా అంతా తీసేస్తే తప్ప ఐఫోన్ పనిచేయదని తెలిపాడు. వీడియోలు చూసేందుకు తన రెండేళ్ల కూతురు పదే పదే తప్పుడు పాస్ వర్డ్ టైప్ చేయడం వల్ల ఇంత నష్టం జరిగిందని ఎట్టకేలకు 'లూ' గుర్తించింది. అందుకే అంటారు కదా పిల్లలకు ఫోన్లు ఇవ్వొద్దని.

ఐ.ఓ.ఎస్ డివైస్ అయిన ఐఫోన్‌లో ఆరుసార్లు తప్పుడు పాస్‌వర్డ్ ఇస్తే ఐఫోన్ దానంతట అదే లాక్ అయిపోతుంది. ఇలా తప్పుడు పాస్‌వర్డ్ నొక్కుతూ పోతే ఏకంగా 80 ఏళ్ల పాటు ఫోన్ లాక అవుతుందని తెలుసుకొని 'లూ'బిత్తరపోయింది. ఇక చేసేది లేక మొత్తం డేటా అంతా తీసేసి ఫోన్ బాగు చేసుకుంది.