అమెరికాలోని నైట్ క్లబ్‌లో కాల్పులు.. 50 మంది మృతి

అమెరికాలో కాల్పుల సంస్కృతికి అంతం వుండటం లేదు. ఫ్లోరిడాలోని ఓర్లాండోలో కాల్పుల ఘటన జరిగి 24 గంటలు కూడా గడవకముందే అదే సిటీలో మరో కాల్పుల ఉదంతం చోటు చేసుకుంది. ఓర్లాండోలోని గే నైట్ క్లబ్‌లో ఆటోమేటిక్ గన్‌తో కాల్పులకి తెగబడిన ఓ దుండగుడు క్లబ్‌లో 50 మందిని పొట్టన పెట్టుకున్నాడు. ఆదివారం తెల్లవారుజామున 2 గంటలకి జరిగిన ఈ దాడిలో 53 మంది వరకు గాయపడ్డారు. వెంటనే ఘటనాస్థలికి చేరుకున్న పోలీసులు క్లబ్‌ని తమ ఆధీనంలోకి తీసుకున్నారు. అనంతరం దుండగుడిని మట్టుపెట్టినట్టుగా తమ అధికారిక ట్విటర్ ఖాతాలో వెల్లడించారు.

Pulse nightclub shooting: Approximately 20 people dead inside the club. — Orlando Police (@OrlandoPolice) June 12, 2016
. @ChiefJohnMina officers shot & killed the suspect. In gunfire OPD officer shot: Kevlar helmet saved him pic.twitter.com/L51ynmRAfm — Orlando Police (@OrlandoPolice) June 12, 2016
శుక్రవారం రాత్రి పొద్దుపోయాకా జరిగిన కాల్పుల్లో ప్రముఖ సింగర్ క్రిస్టినా గ్రిమ్మీ మృతి చెందిన సంగతి తెలిసిందే. పల్స్ క్లబ్ పేరిట వ్యాపారం నిర్వహిస్తున్న ఈ క్లబ్ నిర్వాహకులు దీనిని ఓర్లాండోలోని హాటెస్ట్ గే బార్‌గా చెప్పుకుంటూ తమ వ్యాపారాన్ని ప్రమోట్ చేసుకుంటున్నారు.