యాప్నగరం

ఇండోనేషియాలో భారీ భూకంపం

2018 ఆసియా క్రీడలకు ఆతిథ్య దేశమైన‌ ఇండోనేషియాలో మంగళవారం భారీ భూకంపం సంభవించింది.

Samayam Telugu 29 Aug 2018, 7:32 am
ఇండోనేషియాలో వ‌రుస భూకంపాలు సంభవిస్తున్నాయి. ఆసియా క్రీడలు-2018 కోసం ఆతిథ్యం ఇచ్చిన ఆ దేశంలో మంగళవారం భారీ భూకంపం సంభవించింది. అయితే అదృష్టం కొద్దీ ఈ భూకంపం ధాటికి ఎలాంటి ప్రాణనష్టం జరగలేదు.
Samayam Telugu తీవ్ర‌తతో సంభ‌వించిన భూకంపం


వివరాల్లోకి వెళితే.. ఇండోనేషియా తూర్పు ప్రాంతంలో మంగళవారం రిక్టర్ స్కేల్‌పై 6.2 తీవ్రతతో భూకంపం నమోదైందని యూఎస్‌ జియోలాజికల్‌ సర్వే పేర్కొంది. అయితే సునామీ వచ్చే అవకాశం లేదని అధికారులు పేర్కొన్నారు.

టీమర్‌ ద్వీపంలో కుపాంగ్‌కు 100 కిలోమీటర్ల దూరంలో ఆగ్నేయ దిశగా ఎనిమిది కిలోమీటర్ల లోతులో సముద్ర తీరంలో భూకంపం సంభవించిందని యూఎస్జీఎస్ సర్వే పేర్కొంది. ఈ భూకంప దాటికి ఆసియా క్రీడలు జరుగుతున్న జకార్తాతో పాటు సమీప ప్రాంతాల్లో భూమి కొంతమేర కంపించిందని స్థానిక మీడియాలో కథనాలు వెలువడ్డాయి.

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.