వారికి 'మోదీ' ఎవరో తెలియదంటా!

ప్రపంచంలోనే అత్యంత ప్రభావశీల వ్యక్తుల్లో ఒకరైన భారత ప్రధానమంత్రి నరేంద్రమోడీ అంటే ఎవరో 75 శాతం మంది కెనడా ప్రజలకు తెలియదు. ఆ దేశంలో ఇటీవల నిర్వహించిన ఓ సర్వే ఈ విషయాన్ని బయటపెట్టింది. ప్రపంచంలోనే ఎక్కువదేశాల్లో పర్యటించిన ప్రధానమంత్రిగా గుర్తింపు పొందిన మోదీ గురించి కెనడావాసులకు తెలియదంటే ఆశ్చర్యం కలుగకమానదు. ప్రపంచ నేతల గురించి కెనడా ప్రజలకు ఏ మేరకు తెలుసనే దానిపై 'అంగుస్‌ రైడ్‌ ఇన్‌స్టిట్యూట్‌(ఏఆర్‌ఐ) ఇటీవల ఈ సర్వే నిర్వహించింది.

ఈ సర్వే నివేదిక ప్రకారం.. 75శాతం మంది కెనడావాసులు అసలు మోదీ ఎవరో తమకు తెలియదని చెప్పారు. కొంతమంది మాత్రం ఆయనను గుర్తించారు. భారత్ అంటే ఎంతో ఇష్టపడే కెనడా ప్రధాని జస్టిన్ ట్రూడో ఇటీవల కుటుంబ సమేతంగా.. ఈ మధ్యనే భారత్ పర్యటించాడు. ప్రధాని మోదీని కూడా కలిసిన విషయం తెలిసిందే. అయినా కూడా మన ప్రధాని మోడీగారు ఎవరో తెలియదు అనడం విడ్డూరంగా ఉందంటున్నారు భారతీయులు. కెనడా వారికి బొత్తిగా పేపర్లు, టీవీలు చూసే అలవాటు లేదని నెటిజన్లు సెటైర్లు వేస్తున్నారు.