వృద్ధాశ్ర‌మానికి త‌ర‌లిస్తావా..? కాల్చిన తల్లి

కన్నకొడుకు తనని వృద్ధాశ్ర‌మానికి తరలించేందుకు సిద్ధమవడాన్ని జీర్ణించుకోలేకపోయిన తల్లి.. అతడ్ని తుపాకీతో కాల్చి చంపిన ఘటన అమెరికాలోని అరిజోనా రాష్రంలో చోటుచేసుకుంది. అన్నా మే బ్లెస్సింగ్ (92) తన కుమారుడు (72), అతని ప్రియురాలితో కలిసి ఓ ఇంట్లో నివాసం ఉంటోంది. అయితే.. ఇటీవల తల్లితో తనకి మనస్పర్థలు రావడంతో ఆమెని వృద్ధాశ్ర‌మానికి తరలించాలని ప్రియురాలితో కలిసి కొడుకు నిర్ణయించాడు.

బ్లెస్సింగ్‌ని వృద్ధాశ్ర‌మానికి తీసుకెళ్లేందుకు ఇంటి నుంచి కుమారుడు ఆమెని వెలుపలికి తీసుకురాగా.. కోపద్రిక్తురాలైన తల్లి ‘నీ ఆలోచనలు ద్వారా నా జీవితాన్ని నువ్వు బలి తీసుకున్నావు. అందుకే ఇప్పుడు నీ జీవితాన్ని నేను బలి తీసుకుంటున్నాను’ అని తుపాకీతో కాల్పులు జరిపింది. కొడుకు మెడలోకి రెండు బులెట్లు దూసుకెళ్లడంతో అతను అక్కడికక్కడే మృతి చెందాడు.