కెమేరాకు చిక్కిన గ్రహాంతరవాసుల కదలిక!

గ్రహాంతరవాసులు ఉన్నారా లేరా అనే విషయాన్ని ఇప్పటికీ ఎవరూ పూర్తిగా ఖండించలేరు. అయితే, తాజాగా ఓ ఫొటోగ్రాఫర్ బయటపెట్టిన వీడియోను చూస్తే వాటి ఉనికి నిజమే అనిపించక మానదు. విచిత్ర ఆకారంలో గాల్లో ఎగురుతోన్న ఆ UFO (Unidentified Flying Objects) నూరు శాతం వాస్తవమని, అది ఎట్టి పరిస్థితిలో విమానమైతే కాదని ఫొటోగ్రాఫర్ మౌరిసియో మోరాలెస్ స్పష్టం చేశాడు. ఈ మేరకు అతడు తన ఫేస్‌బుక్‌లో పోస్ట్ చేసిన వీడియో వైరల్‌గా మారింది.

ఆరిజోన నుంచి ఫీనిక్స్‌కు తిరిగి వస్తుండగా.. లైటింగ్‌తో తోక చక్కలాంటిది కనిపించిందని, అది వెళ్తున్న దిశలోనే తానూ డ్రైవ్ చేసుకుంటూ ముందుకు వెళ్లానని తెలిపాడు. అలా మూడు మైళ్లు ప్రయాణించాక లైట్లు ఆగిపోయాయన్నాడు. మళ్లీ ఒక మైల్ ముందుకు వెళ్లి చూస్తే మళ్లీ లైట్లు ఆన్ అయ్యాయని తెలిపాడు. దీంతో, అది సాధారణ విషయం కాదని తెలిసి వీడియో తీశానన్నాడు. ఆరెంజ్ రంగులో వెలుగుతోన్న ఆరు లైట్లు తనకు కనిపించాయని తెలిపాడు. అయితే, అవి నిజంగా గ్రహాంతరవాసుల వాహనాలా (UFO), మరేదైననా అనేది పూర్తి పరిశీలన తర్వాతే తెలుస్తుంది. ఈ కింది వీడియోలో అనుమానస్పద UFO కదలికలను చూడొచ్చు.