కొత్తింటికి చేరుతున్న ఒబామా సామాను

జనవరి 20న అమెరికా నూతన అధ్యక్షుడిగా డోనాల్డ్ ట్రంప్ ప్రమాణ స్వీకారం చేయనున్నారు. అనంతరం ఆయన నేరుగా వైట్ హౌస్ కే వెళతారు. ప్రస్తుతం ఆ భవనంలో నివసిస్తున్న ఒబామా వైట్ హౌస్ ఖాళీ చేస్తున్నారు. తన సామానంతా పెద్ద వ్యాన్లలో తను నివాసం ఉండబోతున్న కొత్త ఇంటికి పంపిస్తున్నారు. సామాన్లన్నీ ఇప్పుడే పంపిచేస్తున్నా... జనవరి 20 మధ్యాహ్నం వరకు ఒబామా వైట్ హౌస్ లోనే ఉంటారు. ట్రంప్ ప్రమాణ స్వీకారం అయ్యాక ఆయన బయటికి వచ్చేస్తారు. ఈ లోపు కొన్ని గంటల్లోనే ఒబామా ఖాళీ చేసిన వైట్ హౌస్ లోకి ఒబామా సామానులు చేరతాయి.

కాగా వైట్ హౌస్ నుంచి బయటికి వెళుతున్న ఒబామా కొత్త ఇంటిని తీసుకున్నారు. ఆ ఇంటి ధర 6.3 మిలియన్ డాలర్లుగా సమాచారం. ఈ ఇల్లు కూడా పెద్దదే. దాదాపు 8,200 చదరపు అడుగుల విస్తీర్ణంలో ఉంది. ఇందులో ఎనిమిది పడకగదులు, తొమ్మిది బాత్ రూములు, పెద్ద హాలు ఉన్నాయి. తాము వైట్ హౌస్ ను ఆనందంగానే విడిచి వెళుతున్నామని ఒబామా తెలిపారు.