ఈ ‘పీత’ మ్యూజియం.. ఎక్కడుందో తెలుసాా?

ఈ పీతను చూడగానే పులుసు పెట్టేసుకోవాలని ఉందా? అదేం కుదరదు. ఇది ‘పీత’లాంటి భవనం. అచ్చుగుద్దినట్లు పీతలాగే ఉండే ఈ భవనం చైనాలోని జియాంగ్సు ప్రాంతంలో సుజౌలో ఉంది. మూడు అంతస్థుల ఈ మ్యూజియం వచ్చే ఏడాది ప్రారంభం కానుంది. పీత ఆకారంలో ఉంది కదా ఇందులో పీతలు ఉంచుతారా? అనుకోవద్దు. ఆ భవనాన్ని పీత ఆకారంలో రూపొందించడం వెనుక వేరే కారణం ఉంది.

సుజౌ ప్రాంతం రుచికరమైన పీతలకు ప్రసిద్ధి. ఇక్కడి సరస్సులో దాదాపు 2వేల టన్నులకు పైగా పీతలను పెంచుతున్నారు. ఇక్కడ నుంచి చైనా నలుమూలలకు పీతలు ఎగుమతి అవుతాయి. అలాగే, పీతలతో చేసే వెరైటీలు తినడానికి ఆహార ప్రియులు క్యూ కడతారు.

దీంతో.. అక్కడి అధికారులు కొత్తగా నిర్మిస్తున్న మ్యూజియంకు పీత రూపం ఇచ్చేశారు. మూడు అంతస్థుల ఈ భవనం ఎత్తు 16 మీటర్లు. విస్తీర్ణం 75 మీటర్లు. ఏది ఏమైనా చైనా వారి ‘పీత’ బుర్రలో ఐడీయాలే ఐడియాలు కదూ!

(Photos Source: China Daily/ Facebook)