కెనడాలో ప్రమాదం..13మంది ఐస్ హాకీ ప్లేయర్లు మృతి

కెనడాలో ఘోర రోడ్డు ప్రమాదం జరిగింది. సస్‌కచివాన్ సమీపంలో బస్సు-ట్రక్కు ఢీకొన్నాయి. ప్రమాదంలో 14మంది చనిపోగా... గాయపడ్డ మరో 14మందిని ఆస్పత్రికి తరలించారు. వీరిలో మరో నలుగురి పరిస్థితి విషమంగా ఉందని డాక్టర్లు చెబుతున్నారు. మృతుల్లో 13మంది ఐస్ హాకీ ఆటగాళ్లుకాగా... మరొకరు బస్సు డ్రైవర్. హంబోల్డ్ బ్రాంకోస్ టీమ్‌కు చెందిన ప్లేయర్లు, కోచింగ్ స్టాఫ్‌తో సహా 28మంది కలిసి టిస్డేల్ హైవేపై బస్సులో వెళుతున్నారు. ఈలోపే ట్రక్ వచ్చి ఢీకొట్టడంతో ప్రమాదం జరిగింది.

ఈ ఘోర ప్రమాదంతో మృతుల కుటుంబాల్లో విషాదచాయలు అలుముకున్నాయి. ప్రమాదంపై కెనడా ప్రధాని జస్టిన్ ట్రూడో దిగ్భ్రాంతి వ్యక్తం చేశారు. మృతుల కుటుంబాలకు సంతాపం ప్రకటించారు.