రికార్డ్: తీవ్రవాదిని 3.5 కిమీల నుంచి షూట్ చేసిన జవాన్!

ఐఎస్ఐఎస్ తీవ్రవాదిని దాదాపు 3.5 కిమీల దూరం నుంచి షూట్ చేసి చంపిన జవాను (స్నిపెర్) పేరుపై కొత్త రికార్డు నమోదైంది. గత నెల కెనడా ప్రత్యేక సైనిక దళాలు ఇరాక్‌లో ఐఎస్ఐఎస్ తీవ్రవాద శిబిరాలు లక్ష్యంగా దాడులు జరిపాయి. అయితే, నేరుగా శిబిరాలకు చేరకుండా దాదాపు 3,450 మీటర్ల దూరం నుంచి తీవ్రవాదులను లక్ష్యం చేసుకుని కాల్పులు జరిపారు.

స్నిపెర్ ఓ ఎత్తైన భవనంపై నుంచి TAC-50 రైఫిల్‌ ట్రిగర్ నొక్కిన వెంటనే సుదూరంలో ఉన్న తీవ్రవాది తలలోకి బుల్లెట్ దూసుకెళ్లింది. ఆ దెబ్బకు తీవ్రవాది కేవలం పది సెకన్ల వ్యవధిలోనే చనిపోయాడు.

ఈ రికార్డు గతంలో బ్రిటన్ సైనికుడు క్రీగ్ హరిసన్ పేరు మీద ఉంది. తాలిబన్ ఉగ్రవాదిని అతడు దాదాపు 2,475 మీటర్ల దూరం నుంచి షూట్ చేసి చంపాడు. ప్రత్యేక సైనిక దళాల్లో ఉండేవారికి సుదూరంలో ఉన్న శత్రువులను కాల్చి చంపేందుకు అనుకూలమైన రిఫైళ్లతో శిక్షణ ఇస్తారు.