రెడ్ కార్పెట్ మీద నడిచి, అందరి ముందూ టాప్ విప్పేసి.. సింగర్ అర్ధనగ్న నిరసన

పోలీసుల క్రూరత్వానికి నిరసనగా చిలీకి చెందిన ఓ సింగర్ టాప్‌ను విప్పేసి నిరసన చేపట్టారు. ‘‘చిలీలో టార్చర్ పెడుతున్నారు, రేప్ చేస్తున్నారు, చంపేస్తున్నారు’’ అని రాసిన వ్యాఖ్యలను ఎలాంటి ఆచ్ఛాదన లేని తన ఛాతిని 36 ఏళ్ల మోన్ లెఫెర్టే బహిరంగంగా ప్రదర్శించారు. ఈ వీడియో సోషల్ మీడియాలో వైరల్ అయ్యింది. వివరాల్లోకి వెళ్తే.. చిలీలో గత కొద్ది రోజులుగా ప్రజలు నిరసన ప్రదర్శనలు చేపడుతున్నారు. కాలం చెల్లిన రాజ్యాంగం స్థానంలో కొత్త రాజ్యాంగాన్ని రూపొందించాలని నిరసనకారులు డిమాండ్ చేస్తున్నారు.

చిలీలో ప్రస్తుతం అమల్లో ఉన్న రాజ్యాంగం ప్రకారం.. కీలకమైన విద్య, ప్రజారోగ్యం బాధ్యతలతో ప్రభుత్వానికి సంబంధం లేదు. కానీ ప్రభుత్వమే ఆరోగ్యం, విద్య విషయంలో బాధ్యత తీసుకోవాలని నిరసనకారులు డిమాండ్ చేస్తున్నారు.

సబ్ వే ఛార్జీలను పెంచడంతో మొదలైన నిరసనలు ప్రభుత్వ వ్యతిరేక ఆందోళనలుగా మారాయి. ఈ ఆందోళనల్లో 20 మంది చనిపోగా.. వెయ్యి మందికిపైగా గాయపడ్డారు. ఆందోళనలతో దిగి వచ్చిన చిలీ ప్రభుత్వం.. రాజ్యాంగం మార్పు అంశంపై వచ్చే ఏడాది ఏప్రిల్‌లో ప్రజాభిప్రాయ సేకరణ చేపడతామని శుక్రవారం ప్రకటించింది.

సింగర్, గేయ రచయిత్రి అయిన మోన్ లాఫెర్టే.. చిలీ ప్రభుత్వ వ్యతిరేక ఆందోళనలకు మద్దతునిస్తున్నారు. గురువారం అమెరికాలోని లాస్ వేగాస్‌లో జరిగిన లాటిన్ గ్రామీ అవార్డుల కార్యక్రమానికి ఆమె హాజరయ్యారు. రెడ్ కార్పెట్ మీద నడిచిన లాఫెర్టే.. ఎలాంటి ఆచ్ఛాదన లేకుండా తన వక్షోజాలను బయటపెట్టారు. ‘చిలీలో వాళ్లు టార్చర్ పెడుతున్నారు, రేప్ చేస్తున్నారు, చంపేస్తున్నారు’ అనే అక్షరాలను అందరి ముందూ ఉంచారు.