డోక్లాం: భారత్ గురించి చైనాలో గుప్పుమన్న పుకారు!

భారత్, చైనా మధ్య రెండు నెలలకుపైగా కొనసాగిన డోక్లాం వివాదానికి దౌత్య విధానం ద్వారా తెరపడింది. భూటాన్‌కు చెందిన ఈ ప్రాంతం నుంచి తమ బలగాలను వెనక్కి తీసుకునేందుకు ఇరు దేశాలూ అంగీకరించాయి. డోక్లాం నుంచి సైన్యం వెనక్కి రావాలంటే మౌలిక వసతుల కల్పన కోసం 20 బిలియన్ డాలర్ల మేర రుణం ఇవ్వాలని భారత్ చైనాకు షరతు విధించిందట. ‘ప్రెస్ ట్రస్ట్ ఆఫ్ హిందుస్థాన్’ అనే వార్తాసంస్థ నుంచి ధృవీకరించిందని చైనాలో ప్రచారం జరిగింది. ఇది నిజమే అనుకొని కొందరు చైనీయులు తెగ ఊగిపోయారు. కొందరు మాత్రం ఈ వార్త నిజమే అనడానికి రుజువేంటని ప్రశ్నించారు.

ఈ వార్త గుప్పుమనడంతో... చైనా సర్కారు ఉలిక్కిపడింది. డోక్లాం నుంచి వెనక్కి మళ్లాలంటే.. 20 బిలియన్ డాలర్లు రుణం ఇవ్వాలని భారత్ చైనాను డిమాండ్ చేయడం రూమర్ అని తేల్చి చెప్పింది. అసలు ఇండియాలో ప్రెస్ ట్రస్ట్ ఆఫ్ హిందుస్థాన్ అనే మీడియా సంస్థే లేదని జిన్హువా న్యూస్ ఏజెన్సీ స్పష్టత ఇచ్చింది. భారత్‌లో చాలా మంది ఉద్యమకారులు, రాజకీయ నాయకులు.. భారత్ నుంచి చైనా కంపెనీలు వెనక్కి మళ్లాలని డిమాండ్ చేస్తున్నారని చెప్పింది.

వాస్తవానికి చైనానే పీకల్లోతు అప్పుల్లో మునిగిపోయింది. ఇండియాలో ఫోన్లు, చౌక వస్తువులు అమ్ముకోవడం మినహా మనకు 20 బిలియన్ డాలర్ల మేర ఛీప్‌గా అప్పులు ఇచ్చేంత సీన్ డ్రాగన్‌కు లేదు. పాపం.. సగటు చైనీయుడు ఈ విషయం పట్టించుకోకుండా కంగారు పడిపోయాడంతే..!