కామెరూన్‌ డిన్నర్‌లో హైదరాబాదీ వంటకం

హైదరాబాదీ వంటకాలకు ఇక్కడే కాదు విదేశాల్లోనూ ఎంతో పేరున్న విషయం తెలిసిందే. చాలామంది ప్రముఖులు కూడా ఈ వంటకాలంటే పడి చస్తారు. అందులో ఉన్న టేస్ట్ అలాంటిది మరి. తాజా బ్రిటన్‌ మాజీ ప్రధాని డేవిడ్‌ కామెరూన్‌ ఈ వంటకాలను రుచి చూశారు. ఈయన ప్రధాని పదవి నుంచి తప్పుకున్న విషయం తెలిసిందే. థెరిసామే నూతన ప్రధానిగా బాధ్యతలు తీసుకున్న సంగతి విదితమే. అయితే ప్రధానిగా కామెరూన్‌ నెం.10 డౌనింగ్‌ స్ట్రీట్‌లోని అధికారిక నివాసంలో చేసిన చివరి డిన్నర్‌లో పలు భారతీయ వంటకాలు ఆర్డర్‌ చేసి తెప్పించుకున్నారు. ఆయన డిన్నర్‌లో హైదరాబాదీ సాఫ్రాన్‌ చికెన్‌, కశ్మీరీ రోగాన్‌ జోష్‌, సమోసాలు ఉన్నాయి. లండన్‌లోని కెన్నింగ్టన్‌ తందూరి అనే భారతీయ రెస్టారెంట్‌ నుంచి కామెరూన్‌ ఈ వంటకాలు తెప్పించుకున్నారు. ఈ విషయాన్ని కెన్నింగ్టన్‌ తందూరీ ట్వీట్‌ చేసింది.

Last supper delivered to #10downingstreet by #theKTLondon. It's been a pleasure Prime Minister! pic.twitter.com/d2txLzoCbH— Kennington Tandoori (@TheKTLondon) July 12, 2016