భారతీయులకు గుడ్ న్యూస్ చెప్పిన ట్రంప్

గ్రీన్ కార్డులపై అమెరికా అధ్యక్షుడు డొనాల్డ్ ట్రంప్ గుడ్ న్యూస్ చెప్పారు. ప్రతిభ ఆధారంగానే గ్రీన్ కార్డుల జారీకి అవకాశం కల్పించేలా ట్రంప్ ప్రకటన చేశారు. ఇలా చేయడం ద్వారానే అమెరికాను తొలి స్థానంలో ఉంచగలమని ఆయన తెలిపారు. ‘ప్రతిభ ఆధారిత ఇమ్మిగ్రేషన్ విధానానికి మారాల్సిన సమయం ఆసన్నమైంది. నైపుణ్యం ఉండి, మన సమాజానికి సేవ చేసేవారికి, మన దేశాన్ని ప్రేమించి, గౌరవించే వారికి ప్రాధాన్యం ఇవ్వాలి’ అని ట్రంప్ ప్రకటించారు. కాంగ్రెస్‌ ఉభయ సభలను ఉద్దేశించి ప్రసంగించిన ట్రంప్ ఈ వ్యాఖ్యలు చేశారు.

ట్రంప్ తాజా ప్రకటనతో ప్రతిభావంతులైన భారతీయులకు ప్రయోజనం చేకూరనుంది. నైపుణ్యాలున్న వ్యక్తులకు ప్రయోజనం చేకూరినప్పటికీ.. వారి తల్లిదండ్రులు, అత్తమామల్ని మాత్రం తీసుకెళ్లడం ఇక మీదట కుదరదు. చైన్‌ మైగ్రేషన్‌ విధానం ఉండబోదని ట్రంప్ తెలిపారు. గతంలో కాన్సాస్‌లో కాల్పుల్లో మరణించిన కూచిబొట్ల శ్రీనివాస్‌ భార్య సునయన కూడా ట్రంప్ ప్రసంగ కార్యక్రమానికి హాజరయ్యారు.