మీడియా విందుకు రానని చెప్పిన ట్రంప్

డోనాల్డ్ ట్రంప్ అధ్యక్షుడు అయ్యాక కూడా ఏమాత్రం మారలేదు. మీడియాతో నిత్యం గొడవలు పడుతూనే ఉన్నాడు. శ్వేతసౌధంలో పనిచేసే మీడియా ప్రతినిధులకు ఓ సంఘం ఉంది. ఆ సంఘం తరుపున ఏటా అధ్యక్షుడికి విందు కార్యక్రమం ఏర్పాటు చేస్తారు. అధ్యక్షుడితో పాటూ అనేక మంది ప్రముఖులు కూడా హాజరవుతారు. కాగా ట్రంప్ మాత్రం నేను హాజరవ్వనని చెప్పేశాడు. అధ్యక్షుడిగా అధికారంలోకి వచ్చాక ఇది అతని మొదటి మీడియా ప్రతినిధులు విందు. అయితే ట్విట్టర్లో ఆయన ఈ ఏడాది మీడియా ప్రతినిధుల డిన్నర్ కు నేను హాజరవ్వడం లేదు. అంతా మంచే జరగాలని కోరుకోండి. మీకు అది మధురమై సాయంత్రం కావాలని కోరుకుంటున్న అని ట్వీటులో ఆయన పేర్కొన్నారు. ఈ విందును ముఖ్యంగా నిర్వహించేది జర్నలిజం స్కాలర్ షిప్‌లకు నిధులను సేకరించేందుకు. అధ్యక్షుడిగా బాధ్యతలు చేపట్టిన వాళ్లందరూ విందుకు హాజరయ్యేందుకు ప్రాధాన్యత నిస్తారు. అయితే ట్రంప్ రానని అనడం కాస్త ప్రాధాన్యత సంతరించుకుంటోంది.
I will not be attending the White House Correspondents' Association Dinner this year. Please wish everyone well and have a great evening! — Donald J. Trump (@realDonaldTrump) February 25, 2017