అమెరికా 45వ అధ్యక్షుడిగా ప్రమాణ స్వీకారం చేసిన ట్రంప్

అమెరికాకు 45వ అధ్యక్షుడిగా డొనాల్డ్ ట్రంప్ ప్రమాణస్వీకారం చేశారు. ఇప్పటివరకు రాజకీయాలతో సంబంధం లేని ఓ బడా వ్యాపారవేత్తగానే పేరున్న ట్రంప్ ఇప్పుడేకంగా అగ్రరాజ్యమైన అమెరికాకు అధ్యక్షుడు అయ్యారు. అధ్యక్ష పదవి కోసం డెమొక్రటిక్ పార్టీ తరపున బరిలో నిలిచిన హిల్లరి క్లింటన్‌పై రిపబ్లికన్ పార్టీ తరపున పోటీ చేసి గెలిచిన ట్రంప్ ఎట్టకేలకు అనుకున్నది సాధించారు.

ఎన్నికల క్యాంపెయిన్‌లో తొలుత ఎన్నో విమర్శలు ఎదుర్కున్న ట్రంప్ అమెరికా అధ్యక్షుడిగా విజయం సాధించడం కష్టమేననే అభిప్రాయాలు వ్యక్తమయ్యాయి. కానీ అమెరికాలోనే నిరుద్యోగం పెరిగిపోతున్న ప్రస్తుత తరుణంలో స్థానిక పౌరుల సంక్షేమమే తన మొదటి ప్రాధాన్యత అని గట్టిగా హామీ ఇవ్వడంతో ట్రంప్ విజయం ఖాయమైపోయింది.