సెంట్రల్ అమెరికాని వణికించిన భారీ భూకంపం

సెంట్రల్ అమెరికా భూభాగాన్ని ఆనుకుని వున్న పసిఫిక్ సముద్రం తీరాన గురువారం సంభవించిన భారీ భూకంపం ఆ ప్రాంత వాసులని భయకంపితుల్ని చేసింది. గతంలో నికరాగ్వా, కరేబియన్ తీరాల్లోకి హరికేన్ చొచ్చుకొచ్చినట్టుగా ఈ సందర్భంలోనూ సునామి ప్రమాద సూచికలు కనిపిస్తున్నాయని అమెరికా వాతావరణ విభాగం పేర్కొంది.

అమెరికా జియాలాజికల్ సర్వే వెల్లడించిన సమాచారం ప్రకారం 7.2 మ్యాగ్నిట్యూడ్‌తో సంభవించిన ఈ భూకంపం కేంద్రం ఈ సల్వేడార్‌లోని ప్యూటోకి నైరుతి దిశగా 154 కి.మీ దూరంలో 33 కి.మీ లోతున గుర్తించినట్టుగా తెలుస్తోంది. భూకంపం కేంద్రానికి చుట్టూ 300కి.మీ వరకు వున్న తీర ప్రాంతాల్లో సునామి హెచ్చరికలు జారీచేసింది పసిఫిక్ సునామి హెచ్చరికల కేంద్రం.