ఫిడెల్ క్యాస్ట్రో పెద్ద కుమారుడి ఆత్మహత్య, కారణం చాలా డేంజర్!

దివంగత క్యూబా అధ్యక్షుడు ఫిడెల్ క్యాస్ట్రో కుమారుడు ఫిడెల్ ఏంజెల్ క్యాస్ట్రో డియాజ్ బలార్ట్ ఆత్మహత్యకు పాల్పడ్డాడు. క్యాస్ట్రో తొలి కుమారుడైన బాలార్డ్ గత కొంత కాలంగా డిప్రెషన్లోకి వెళ్లిపోయాడు. చాలా నెలలుగా డాక్టర్ల బృందం 68 ఏళ్ల ఫిడెల్ ఏంజెల్ క్యాస్ట్రోకు చికిత్స అందిస్తోంది. కానీ ఆయన మాత్రం డిప్రెషన్ నుంచి బయటకు రాలేకపోయారు. గురువారం ఉదయం ఆత్మహత్యకు పాల్పడ్డారు.

అచ్చు గుద్దినట్లుగా తండ్రి పోలికలతో ఉండే బలార్ట్‌ను ఫిడెలిటో అని పిలుస్తారు. ఫిడెలిటో అంటే లిటిల్ ఫిడెల్ అని అర్థం. న్యూక్లియర్ ఫిజిసిస్ట్ అయిన ఫిడెలిటో గతంలో సోవియట్ యూనియన్‌లో పని చేశారు. మరణించే వరకూ ఆయన క్యుబన్ కౌన్సిల్ ఆఫ్ స్టేట్ సైంటిఫిక్ అడ్వైజర్‌గా పని చేశారు. ఆయన అనేక పుస్తకాలు రాశారు.

బలార్డ్ తండ్రి ఫిడెల్ క్యాస్ట్రో క్యూబా విప్లవంలో కీలక పాత్ర పోషించారు. చాలా ఏళ్లపాటు దేశాన్ని ఒంటిచేత్తో పాలించారు. ఆయన్ను హతమార్చేందుకు అమెరికా నిఘా విభాగం సీఐఏ వందలసార్లు విఫలయత్నం చేసింది. కానీ విజయవంతం కాలేకపోయింది. ఆయన 2016లో 90 ఏళ్ల వయసులో కన్నుమూశారు.