జర్మన్ ఛాన్సలర్‌గా మరోసారి మెర్కెల్

జర్మనీ దేశం మరోసారి ఏంజెలా మెర్కెల్ సారథ్యంలో నడవబోతోంది. ఆమె నాలుగోసారి ఆ దేశానికి నాయకత్వం వహించబోతున్నారు. 6 నెల‌ల క్రితం జ‌ర్మ‌నీ చ‌ట్ట‌స‌భ పార్ల‌మెంటుకు జ‌రిగిన ఎన్నిక‌ల్లో మెర్కెల్ క్రిస్టియ‌న్ డెమొక్ర‌టిక్ యూనియ‌న్, సోష‌ల్ డెమొక్ర‌టిక్ పార్టీలు పోటీ చేశాయి. మొత్తం 700 మంది ఉన్న పార్ల‌మెంటులో 50%ఓట్లు వ‌చ్చిన వాళ్లే చాన్స‌ల‌ర్ ప‌దవి చేప‌ట్టేందుకు అర్హ‌త సాధిస్తారు. అయితే దాని త‌ర్వాత దాదాపు 6 నెల‌ల వ‌ర‌కూ చాన్స‌ల‌ర్ ఎన్నిక జ‌ర‌గ‌లేదు. 171 రోజుల త‌ర్వాత పార్లమెంటులోని దిగువ సభలో బుధవారం జరిగిన ఓటింగ్‌లో ఆమెకు అనుకూలంగా 364 ఓట్లు, వ్యతిరేకంగా 315 ఓట్లు లభించాయి. తొమ్మిది మంది సభ్యులు ఈ ఓటింగ్‌కు గైర్హాజరయ్యారు.


63 ఏళ్ళ ఏంజెలా మెర్కెల్ జర్మన్ ఛాన్సలర్‌గా నాలుగోసారి ఎన్నికయ్యారు. బహుశా ఇదే చివరి పదవీ కాలం కావచ్చు. ఆమె నాయకత్వం వహిస్తున్న పార్టీల కూటమిలో లుకలుకలు ఉండటం గమనార్హం.