కల్పన చావ్లాకు మోడీ ఘన నివాళులు

భారత ప్రధాని మోడీ దివంగత ఇండో-అమెరికన్ వ్యోమగామి కల్పనా చావ్లాకు నివాళులు అర్పించారు. ఆర్లింగ్టన్ నేషనల్ సెమెటరీ వద్ద ఉన్న కల్పనా సమాధి వద్ద పూల గుచ్ఛం ఉంచి నమస్కరించారు. మోడీ అమెరికా పర్యటనలో ఉన్న సంగతి తెలిసిందే. ఆయన స్పేస్ షటిల్ కొలంబియా మెమోరియల్ ఏర్పాటు చేసిన కార్యక్రమంలో పాల్గొన్నారు. అక్కడ కల్పనా భర్త, కుటుంబసభ్యులను కలిశారు. అలాగే మరో ఇండో అమెరికన్ వ్యోమగామి సునీతా విలియమ్స్ ను, ఆమె తండ్రిని కలిశారు. కల్పనా చావ్లా అంతరిక్షంలో అడుగుపెట్టిన తొలి భారత సంతతి మహిళ. 2003లో స్పేస్ షటిల్ లో అంతరిక్షం నుంచి భూమికి వస్తుండగా... ఆ స్పేస్ షటిల్ పేలిపోవడంతో ఆమె మరణించింది.