గుండెల్ని పిండేస్తున్న ఫొటో..!

ఐక్యరాజ్య సమితి బాలల నిధి (యునిసెఫ్‌) వాలంటీర్‌ ఒకరు షేర్ చేసిన ఫొటో ప్రపంచవ్యాప్తంగా సంచలనం సృష్టిస్తోంది. అర్జెంటీనాలోని పొసడాస్‌ నగరంలో దుర్భర దారిద్ర్యంలో మగ్గుతూ రోడ్డుపై యాచిస్తున్న ఓ చిన్నారి.. భగభగ మండే ఎండలో దాహానికి తాళలేక రహదారిపై నిలిచిన అపరిశుభ్ర నీటిని తాగుతున్న ఆ విషాద దృశ్యం గుండెల్ని పిండేస్తోంది. అర్జెంటీనాలో నెలకొన్న దుర్బర పరిస్థితులకు ఈ చిత్రం అద్దం పడుతోంది. ఆ సమయంలో ఎండ తీవ్రత 100 ఫారన్ డిగ్రీ సెంటీగ్రేడ్‌గా ఉన్నట్లు స్థానిక జర్నలిస్టు కథనం.

సోషల్ మీడియాలో ఓ మిత్రుడు పంచుకున్న ఫొటోను యునిసెఫ్ వాలంటీర్ మిగ్ రైస్ షేర్ చేశారు. దక్షిణ అమెరికా, స్పెయిన్‌తో పాటు ప్రపంచవ్యాప్తంగా ఇది వైరల్‌గా మారింది. మేబా గరానీ తెగకు చెందిన భిక్షాటన చేసే వందలాది మంది చిన్నారులు ఇలాగే కడుపు నింపుకుంటున్నారని సదరు ఫొటో తీసిన జర్నలిస్ట్‌ తెలిపారు.