టర్కీలో యుద్ధవాతావరణం

టర్కీలో ఒక్కసారిగా సైన్యం తిరుగుబాటు చేసింది. అక్కడి వాతావరణం హఠాత్తుగా యుద్ధ రంగు పులుముకుంది. ఎప్పుడు ఎక్కడ బాంబులు పడతాయో తెలియని పరిస్థితి నెలకొంది. టర్కీ రాజధాని అంకారాలో సైనికులు మోహరించారు. గగనతలంలో సైనిక విమానాలు, హెలికాఫ్టర్లు తిరుగుతూ గస్తీ కాస్తున్నాయి. అధ్యక్ష భవనంపై బాంబు దాడులు చేసినట్టు వార్తలు వస్తున్నాయి. సైనికులు జరిపిన కాల్పుల్లో ఇప్పటికే 17 మంది పోలీసులు మరణించారు. పాతికమంది దాకా సామాన్యులూ మృతిచెందారు. కాగా సైన్యంతో టర్కీ ప్రభుత్వం చర్చలు జరుపుతున్నట్టు తెలుస్తోంది. టర్కీ పోలీసులు, సైన్యం మధ్య అక్కడక్కడ ఎదురుకాల్పులు జరుగుతున్నాయి. ఇప్పటివరకు 130 మంది సైనికులను తమ ఆధీనంలోకి తీసుకున్నామని టర్కీ ప్రధాని చెబుతున్నారు. దేశ అధికారాన్ని హస్తగతం చేసుకోవడానికే సైన్యంలోని ఒక వర్గం ఇలా తిరుగుబాటు చేసినట్టు భావిస్తున్నారు. అధ్యక్షుడు విహారయాత్రకు వెళ్లాక టర్కీ సైన్యం ఈ దుశ్చర్యకు పాల్పడింది.