హిల్లరీ క్లింటన్‌కి నిమోనియా

అమెరికా అధ్యక్ష రేసులో ఉన్న హిల్లరీ క్లింటన్ అనారోగ్యం పాలయ్యారు. దీంతో ఆమె ప్రచారాన్ని అకస్మాత్తుగా కొన్ని రోజుల పాటూ క్యాన్సిల్ చేసుకున్నారు. ఈ విషయాన్ని ఆమె అధికార ప్రతినిధి ఆదివారం తెలిపారు. సెప్టెంబరు 11 దాడుల స్మృత్యర్థం ఏర్పాటు చేసుకున్న కార్యక్రమంలో ఆమె హఠాత్తుగా అనారోగ్యం పాలయ్యారు. వైద్యులు ఆమెకు విశ్రాంతి చాలా అవసరమని సూచించారు. అయితే శుక్రవారమే హిల్లరీ నిమోనియాతో బాధ పడుతున్నట్టు వైద్యులు గుర్తించారు. అయినా హిల్లరీ కార్యక్రమాలేవీ వాయిదా వేసుకోలేదు. సెప్టెంబర్ 11న కార్యక్రమంలో పాల్గొన్నాక... ఆమె అనారోగ్యంగా ఉన్నట్టు స్పష్టంగా కనిపించింది. ఆమె నీరసంతో వణుకుతున్నట్టు అనిపించారు. ఆ కార్యక్రమం నుంచి ఆమె త్వరగా వెళ్లిపోయారు. లేకుంటే ఆమె సోమవారం బయలుదేరి కాలిఫోర్నియా వెళ్లాలి. అక్కడె రెండు రోజుల పాటూ ప్రచారం చేయడంతో పాటూ, విరాళాలు సేకరించే పని పెట్టుకున్నారు. ఆమె డాక్టర్ లీసా బర్డాక్ వెంటే ఉండి వైద్యం చేస్తున్నారు. ప్రస్తుతం హిల్లరీ కోలుకుంటున్నారని ఆమె తెలిపారు.