బెర్ముడా వైపు దూసుకొస్తున్న ‘నికోల్’

ఉత్తర అట్లాంటిక్ సముద్రంలో ఉన్న ఐలాండ్ దేశం బెర్ముడా భయంతో వణికిపోతోంది. ఆ దీవి వైపుగా అతి భయంకరమైన తుఫాను దూసుకొస్తోంది. బ్రిటిష్ ఉన్నతాధికారులు ఈ విషయాన్ని తెలిపారు. గురువారం తెల్లవారుజాముకల్లా నికోల్ అని పిలిచే తుఫాను బెర్ముడా తీరాన్ని తాకుతుందని చెప్పారు. గంటలకు 200 కిలోమీటర్ల వేగంతో గాలులు వీస్తూ అల్లకల్లోలాన్ని సృష్టిస్తాయని, ప్రజలు చాలా అప్రమత్తంగా ఉండాలని తెలిపారు. బెర్ముడా ప్రభుత్వం కూడా తమ ప్రజలను అప్రమత్తం చేసింది. నికోల్ తో పెను ముప్పు పొంచి ఉందని ఆ దేశ మంత్రి జెఫ్ బారెన్ కూడా తెలిపారు. ఇళ్ల నుంచి బయటికి రావొద్దని ప్రజలను ఆదేశాలు జారీ చేశారు. స్కూళ్లు, వ్యాపార సంస్థలు, కార్యాలయాలను ముందస్తుగా సెలవులు ప్రకటించారు. అన్ని విమాన సర్వీసులను రద్దు చేశారు.

బెర్ముడా... ఉత్తర అట్లాంటిక్ సముద్రంలో ఉన్న చిన్న దీవి. సముద్రం మధ్యలో ఉండే ఈ దీవికి ప్రతి ఏడాది తుఫానులు వచ్చిపోతుంటాయి. చాలా ఏళ్లకు ఓసారి భారీగా దెబ్బతీసేలా నికోల్ లాంటి తుఫానులు వస్తాయి.