యాప్నగరం

దెబ్బకు స్వరం మార్చిన చైనా.. భారత్ మిత్రదేశం అంటూ కొత్త పాట!

Chinese Ambassador to India: యాప్‌లపై నిషేధం, ఆర్థిక మూలాలపై దెబ్బ కొట్టడంతో చైనా కాళ్ల బేరాలకు వచ్చినట్లు కనిపిస్తోంది. భారత్‌తో తమకు శత్రుత్వం లేదని.. మిత్ర దేశమేనని స్వరం మార్చింది.

Samayam Telugu 10 Jul 2020, 8:04 pm
ల్వాన్ ఘర్షణ అనంతరం భారత్ తీవ్రమైన చర్యలు తీసుకోవడంతో డ్రాగన్ తోకముడిచినట్లు కనిపిస్తోంది. టిక్‌టాక్ సహా చైనాకు చెందిన 59 యాప్‌లపై భారత్ నిషేధం విధించడం, ఆర్థిక మూలాలపై ప్రభావం చూపే పలు చర్యలకు సిద్ధమవడంతో చైనా కాళ్ల బేరాలకు వచ్చింది. భారత్ తమకు మిత్ర దేశమేనని.. సమస్యను శాంతియుతంగా పరిష్కరించుకుంటామని నీతి సూత్రాలు వల్లె వేస్తోంది. భారత్‌లో చైనా రాయబారి సన్ వీడాంగ్ శుక్రవారం (జులై 10) చేసిన వ్యాఖ్యలు ఇదే అంశాన్ని స్పష్టం చేస్తున్నాయి.
Samayam Telugu ఇండియా - చైనా
India China Relations


భారత్-చైనా సంబంధాలను తిరిగి గాడిన పెట్టడానికి చర్చలు జరుపతున్నామని చైనా రాయబారి వీడాంగ్ పేర్కొన్నారు. ద్వైపాక్షిక సంబంధాలు త్వరలోనే మెరుగు పడతాయని ఆశాభావం వ్యక్తం చేశారు. ఇండియా-చైనా శత్రువులు కాదని.. చిరకాల మిత్రులని వ్యాఖ్యానించారు. అభివృద్ధి విషయంలో ఇరు దేశాలు పరస్పరం సహకరించుకుంటాయని అన్నారు. ప్రమాదాలను ఎగదోయవని చెప్పుకొచ్చారు. ఈ మేరకు వీడియో ప్రసంగం విడుదల చేశారు.

భేదాభిప్రాయాలను పక్కనబెట్టి స్థిరమైన, సుదీర్ఘమైన సంబంధాల కోసం ఇరు దేశాలు ప్రయత్నిస్తున్నాయని వీడాంగ్ పేర్కొన్నారు. ఇండియా, చైనా ఒకరినొకరు సానుకూల దృక్పథంతోనే చూస్తున్నాయని చెప్పుకొచ్చారు.

వైషమ్యాల కారణంగా నెలకొన్న ఘర్షణలను తగ్గించాల్సిన అవసరం ఉందని వీడాంగ్ పేర్కొన్నారు. సంఘర్షణల్లో పడకుండా.. సమస్యను సరైన దారిలో పరిష్కరించుకోగలిగే సత్తా, పరిజ్ఞానం ఇరుదేశాలకూ ఉన్నాయని చెప్పారు. పరస్పర సహకారం ఇరు దేశాలకూ లబ్ధి చేకూరుస్తుందన్నారు.

ఒకరికొకరు నొచ్చుకునే చర్యలకు దిగితే ఇరు దేశాలూ ఆర్థికంగా, వాణిజ్య పరంగా నష్టపోయే ప్రమాదం ఉందని వీడాంగ్ అభిప్రాయపడ్డారు. కొవిడ్-19 మహమ్మారితో చేస్తున్న పోరాటంలోనూ పరస్పర సహకారంతోనే విజయం సాధిస్తామని అన్నారు. అదే సహకారంతో ఆర్థిక వ్యవస్థను కూడా గాడిలో పెట్టగలుగుతామని పేర్కొన్నారు.

ప్రస్తుతం ఇండియా, చైనా అనుమానం కంటే నమ్మకాన్ని పెంచుకోవాలని వీడాంగ్ అభిప్రాయపడ్డారు. పరస్పర గౌరవం, సహకారం అందించుకోవడానికి దారులు మూసుకుపోలేదని చెప్పారు. అనుమానం, కల్పన సరైన దారి కాదన్నారు. అధినేతల స్థాయి చర్చలతో నిర్మాణాత్మక, లిఖితపూర్వక ఏకాభిప్రాయ సాధనకు కృషి చేయాలని పేర్కొన్నారు. భారత్, చైనా ద్వైపాక్షిక సంబంధాలు 70వ వసంతంలోకి అడుగు పెడుతున్న తరుణంలో ఇది చాలా అవసరమని చెప్పారు. ప్రస్తుతం నెలకొన్న సంక్లిష్ట పరిస్థితిని విస్తృత స్థాయి ఆలోచన, దూరదృష్టితో ఎదుర్కొంటున్నట్లు చెప్పిన వీడాంగ్.. త్వరలోనే సరైన పరిష్కారం లభిస్తుందని ఆశాభావం వ్యక్తం చేశారు.

Also Read: కరోనాతో భారత్ ఫార్మా సత్తా ప్రపంచానికి తెలిసింది

Must Read: గల్వాన్ దాడి: అమర జవాన్ల డెత్ సర్టిఫికెట్లలో షాకింగ్ నిజాలు

Don't Miss: గొర్రెలు బాబూ గొర్రెలు.. ఆన్‌లైన్‌లో అమ్మకాలు

తరవాత కథనం

Telugu News App: ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.
తాజా వార్తల అప్డేట్ల కోసం Samayam Telugu ఫేస్‌బుక్పేజీను లైక్ చెయ్యండి.