షాకింగ్: బీచ్‌ల్లో పడేస్తున్న వ్యర్థాల్లో అవే ఎక్కువ!

ఎంతో ఆహ్లాదాన్ని అందించే బీచ్‌లు.. వ్యర్థాలతో అపరిశుభ్రంగా మారిపోతున్నాయి. సముద్రాలను, సముద్ర తీరాలను కలుషితం చేయొద్దని పర్యావరణవేత్తలు మొత్తుకుంటున్నా.. ఎవరూ పట్టించుకోవడం లేదు. ఒక్క రోజులోనే కొన్ని మిలియన్ల వ్యర్థాలను బీచ్‌ల్లో పడేస్తున్నారు. దీంతో.. బీచ్‌లు క్రమేనా కళ కోల్పోతున్నాయి. ప్లాస్టిక్ వ్యర్థాలతో నిండిపోతున్నాయి.

2017 ఓసియన్ క్లీనప్ రిపోర్ట్ ప్రకారం.. అంతర్జాతీయ సముద్ర తీరాల శుభ్రతా కార్యక్రమంలో భాగంగా స్వచ్ఛంద కార్యకర్తలు కొన్ని మిలియన్ల వ్యర్థాలను సేకరించారు. వీటిలో కేవలం సిగరెట్ పీకలే (కాల్చేసిన సిగరెట్లు) సుమారు 2.4 మిలియన్ ఉన్నాయి. వాటి తర్వాతి స్థానంలో ఫుడ్ వ్రాపర్లు 1.7 మిలియన్లు ఉన్నాయి. ప్లాస్టిక్ బాటిళ్లు 1.56 మిలియన్లు ఉన్నాయి. 24 గంటల వ్యవధిలో ఎన్నెన్ని వ్యర్థాలు సేకరించారో ఈ ఇన్ఫోగ్రాఫిక్స్‌లో చూడండి.