దెబ్బకు దెబ్బ: అమెరికన్లపై ఇరాన్ ఆంక్షలు

ఏడు ఇస్లామిక్ దేశాలకు తమదేశంలో ప్రవేశం లేదని ప్రకటించిన అమెరికా అధ్యక్షుడు డొనాల్డ్ ట్రంప్ కు ఇరాన్ షాకిచ్చింది. ఇరాన్ లో అమెరికన్లకు ఎంట్రీ నిషేదం విధిస్తామని వార్నింగ్ ఇచ్చింది.

ఇస్లామిక్ తీవ్రదాన్ని అణిచివేయడంలో భాగంగా...ఇరాన్, ఇరాక్, సోమాలియా, లిబియా, యెమన్, సుడాన్, సిరియా వంటి దేశాల ప్రజలు అమెరికాలో అడుగుపెట్టడానికి వీల్లేదని ట్రంప్ ఎగ్జిక్యూటివ్ ఆర్డర్ పాస్ చేశారు. స్పష్టమైన చట్టం రూపొందించేంత వరకు ఈ నిషేదం అమల్లో ఉంటుందని ఆయన శుక్రవారం వెల్లడించిన సంగతి తెలిసిందే. అయితే పలు దేశాలపై తీవ్రవాదం ముద్రవేస్తూ ఆంక్షలు విధించడంపై ప్రపంచవ్యాప్తంగా నిరసనలు వెల్లువెత్తుతున్నాయి.

‘‘ట్రంప్ నిర్ణయం ఇరాన్ సహా ఇతర దేశాలతో ప్రత్యక్ష యుద్ధం ప్రకటించినట్లుగా భావిస్తున్నాం’’ అని ఇరాన్ విదేశాంగ మంత్రిత్వ శాఖ ఒక ప్రకటనలో పేర్కొంది. తప్పుడు ఆరోపణలతో తమపై తీవ్రవాద ముద్ర వేస్తే టెర్రరిస్టులకు ఊతమిచ్చినట్లు అవుతుందని ఇరాన్ అమెరికాను హెచ్చరించింది.

యూఎస్ మెక్సికోల మధ్య గోడ నిర్మిస్తానని వెల్లడించిన ట్రంప్ పై ఇరాన్ అధ్యక్షుడు హసన్ రోహ్నని తప్పుపట్టారు.