ఓటు వేస్తే నరికేస్తాం

త్వరలో జరగబోయే అమెరికా అధ్యక్ష ఎన్నికల్లో ఎవరైనా ఓట్లు వేస్తే నరికేస్తామని హెచ్చరిస్తోంది ఉగ్రవాద సంస్థ ఐసీస్. ముస్లింలు ఓటు వేయడానికి వెళ్లొద్దంటూ కోరింది. ఐఎస్ఐఎస్‌కు చెందిన అల్ హయత్ మీడియా ఈ హెచ్చరిక చేసింది. ఇస్లాం మతం, ముస్లింలకు వ్యతిరేకమైన విధానాల విషయంలో రిపబ్లికన్ పార్టీకీ, డెమొక్రటిక్ పార్టీకి మధ్య తేడా ఏమీ లేదని ప్రకటించింది. దీంతో టెక్సాస్, వర్జీనియాలో అమెరికా ప్రభుత్వం నిఘా ముమ్మరం చేసింది. కట్టుదిట్టమైన చర్యలు చేపట్టింది. ఉగ్రవాదుల దాడులను తిప్పికొట్టేందుకు సిద్ధంగా ఉన్నట్లు ఎఫ్‌బీఐ పేర్కొంది.