జపాన్ ప్రధాని పదవికి షింజో అబే రాజీనామా నేడు!

జపాన్ ప్రధాని షింజో అబే తన పదవికి ఇవాళ (ఆగస్టు 28న) రాజీనామా చేస్తారని తెలుస్తోంది. చాలా ఏళ్లుగా జపాన్ ప్రధానిగా వ్యవహరిస్తోన్న ఆయన.. దీర్ఘకాలిక అనారోగ్యంతో బాధపడుతున్నారు. తన అనారోగ్యం ప్రభుత్వానికి సమస్యలు సృష్టించొద్దనే కారణంతో ఆయన రాజీనామా నిర్ణయం తీసుకున్నారనే కథనాలు వెలువడుతున్నాయి.

అల్సరేటివ్ కొలిటిస్ వ్యాధితో ఏళ్లుగా పోరాడుతున్న అబే.. ఇటీవల ఒకే వారంలో రెండుసార్లు హాస్పిటల్‌ పాలయ్యారు. దీంతో తన పదవీ కాలం ముగిసే వరకు ఆయన పదవిలో కొనసాగుతారా? లేదా? అనే అనుమానాలు వ్యక్తమయ్యాయి.

జపాన్ కాలమానం ప్రకారం ఈ రోజు సాయంత్రం 5 గంటలకు (భారత కాలమానం ప్రకారం రాత్రి 8.30 గంటలు) అబే మీడియా సమావేశం నిర్వహిస్తారు. సుదీర్ఘ కాలం ప్రీమియర్‌గా పని చేసిన నేతగా.. 50 ఏళ్ల క్రితం తన తాత ఇసాకు సాటో క్రియేట్ చేసిన రికార్డును సోమవారమే అబే బ్రేక్ చేశారు.

కరోనాను కట్టడి చేయంలో విఫలమయ్యారని, ఆయన పార్టీ సభ్యులు స్కామ్‌లకు పాల్పడుతున్నారని అబే ఆరోపణలను ఎదుర్కొంటున్నారు. 2012లో ప్రధాని పగ్గాలు చేపట్టి సుదీర్ఘ కాలం అధికారంలో ఉన్న అబేకు గతంలో ఎన్నడూ లేని విధంగా ఇటీవలి కాలంలో ప్రజాదరణ భారీగా తగ్గింది.