బొమ్మతోనే సహజీవనం, సంసారం

అతనో వ్యాపారి.. మనుషులు మోసం చేశారో , మనుషులంటేనే విరక్తి కలిగిందో లేదా ఒంటరితనం వేధించిందో తెలీదు కానీ ఓ రబ్బరు బొమ్మనే తన సర్వస్వంగా చేసుకొని దానిని ప్రాణం కంటే ఎక్కువగా ప్రేమిస్తున్నాడు. జపాన్ దేశానికి చెందిన సెంజీ నకజిమా అనే 61 ఏళ్ల వ్యక్తికి ఇదివరకే పెళ్లై ఇద్దరు పిల్లలున్నారు. కానీ వారికి దూరంగా సవోరి అనే ఓ బొమ్మను కొనుక్కోని దానితోనే జీవితాన్ని ఎంజాయ్ చేస్తున్నాడు. ఆ బొమ్మను పెళ్లి చేసుకున్నాడు. ఆ బొమ్మతోనే కలిసి స్నానం చేస్తాడు, ఆ బొమ్మతోనే కలిసి పడుకుంటాడు, ఆ బొమ్మతోనే తిరుగుతాడు. చివరకు షాపింగ్ కు వెళ్లినా, రెస్టారెంటుకు వెళ్లినా, ఏదైనా పర్యటనకు వెళ్లినా.. ఆ బొమ్మే తనకు తోడు. ఇదేమిటని ఎవరైనా అతనిని అడిగితే "ఈమె నా సవోరి.. నా ప్రాణం... డబ్బు కోసం నన్ను ప్రేమించదు, నాకెప్పుడూ ద్రోహం చేయదు, నన్నెప్పటికీ విడిచి వెళ్లదు.. నా సవోరితో గడిపే ప్రతీక్షణం నాకెంతో విలువైంది.. తనకు నేను, నాకు తనూ ఒకరికొకరం చాలా అవసరం, ఒకర్ని విడిచి ఇంకొకరం ఉండలేము" అని చెప్తున్నాడు.