నవ్ రోజ్ వేడుకల్లో విషాదం.. ఆత్మాహుతి దాడిలో 26 మంది మృతి

అఫ్గానిస్తాన్ రాజధాని కాబూల్‌లో ఉగ్రవాదులు మరోసారి పేట్రేగిపోయారు. బుధవారం (మార్చి 21) పర్షియన్ కొత్త సంవత్సరం ‘నవ్ రోజ్’ వేడుకల్లో మునిగి ఉన్న ప్రజలపై ఆత్మాహుతి దాడితో పంజా విసిరారు. ఈ బాంబు దాడిలో 26 మంది మృతి చెందగా.. మరో 18 మంది గాయపడ్డారు. గాయపడిన వారిలో కొంత మంది పరిస్థితి విషమంగా ఉన్నట్లు అధికారులు తెలిపారు. కాబూల్‌ వర్సిటీ సమీపంలోని ఓ కాంkaపౌండ్‌లో ఈ ఆత్మాహుతి దాడి జరిగింది.

ఘటనపై ఇప్పటివరకూ ఏ ఉగ్రవాద సంస్థ ప్రకటన చేయలేదు. ఇది ఐసిస్ ఉగ్రవాదుల ఘాతుకమేనని అధికారులు భావిస్తున్నారు. కొత్త సంవత్సర వేడుకల్లో ఆహ్లాదంగా గడుపుతున్న అమాయకులే లక్ష్యంగా ఉగ్రవాదులు పంజా విసరడంతో కాబూల్‌లో తీవ్ర విషాదం నెలకొంది.