Man Takes Selfie With Fish And Throws Phone Into Water By Mistake, Video Goes Viral
చేపను పట్టిన సంబరంలో సెల్ఫీ దిగి, చేపకు బదులు ఫోన్ సముద్రంలో విసిరేశాడు!
Man throws phone instead of fish into water: కంగారులో తప్పులు దొర్లడం సహజం. కానీ, కొన్నిసార్లు ఓవర్ ఎగ్జైట్‌మెంట్‌లోనూ పొరపాట్లు చేస్తారు. అలాంటిదే ఈ ఘటన. సముద్రంలో సరదాగా వేటకు వెళ్లిన ఓ వ్యక్తి చేప చిక్కిన ఆనందంలో.. దానితో సెల్ఫీ తీసుకొని, ఆ తర్వాత ఆ చేపకు బదులు తన సెల్ ఫోన్‌ను సముద్రంలోకి విసిరేశాడు. ఈ వీడియో ఇప్పుడు సోషల్ మీడియాలో వైరల్ అవుతోంది.
కంగారులో తప్పులు చేయడం సహజమే. కానీ, కొన్నిసార్లు ఓవర్ ఎగ్జైట్‌మెంట్‌లోనూ పొరపాట్లు జరుగుతాయి. అలాంటిదే ఈ ఘటన. సముద్రంలో సరదాగా వేటకు వెళ్లిన ఓ వ్యక్తి చేప చిక్కిన ఆనందంలో దాంతో సెల్ఫీ తీసుకొని.. ఆ తర్వాత ఆ చేపకు బదులుగా తన ఫోన్‌ను సముద్రంలోకి విసిరేశాడు. ఫోన్ నీటిలోకి విసిరేశాక, అతడి ఫీలింగ్స్ నెటిజన్లకు నవ్వులు తెప్పిస్తున్నాయి. ఇందుకు సంబంధించిన వీడియో ఇప్పుడు సోషల్ మీడియాలో వైరల్ అవుతోంది.
Samayam Teluguచేపకు బదులు ఫోన్‌ను నీటిలోకి విసిరేసిన వ్యక్తి
ఎక్కడ జరిగిందో తెలియదు గానీ.. ఓ వ్యక్తి మోటార్‌ బోట్లో సరదాగా సముద్రంలోకి వెళ్లాడు. గాలం వేస్తే ఓ చేప చిక్కింది. ‘చూశారా.. నేను చేపను పట్టేసుకున్నాను’ అంటూ అమితానందానికి గురయ్యాడు. ఎడమ చేతిలో చేపను, కుడి చేతిలో ఫోన్‌ను పట్టుకుని సెల్ఫీ తీసుకున్నాడు. ఇక్కడిదాకా బాగానే ఉంది గానీ.. ఆ తర్వాతే అతడు చేసిన పని నవ్వులు తెప్పిస్తోంది. సరదా పని అయిపోయాక చేపను తిరిగి సముద్రంలోకి విడిచిపెడదామనుకున్నాడు. కానీ, చేపకు బదులుగా కుడి చేతిలో ఉన్న ఫోన్‌ను సముద్రంలోకి విసిరేశాడు. తేరుకునే లోపే ఫోన్ సముద్రం పాలైంది. ఇక ఏం చేస్తాడు పాపం. ఆ ఆనందం అంతా ఆవిరైంది. మొహం అదోలా పెట్టుకున్నాడు.
Mపక్కనే మరో మర బోట్లో వెళుతున్న వ్యక్తి ఇదంతా వీడియో తీశాడు. దీన్ని సోషల్ మీడియాలో పెట్టడంతో వైరల్ అవుతోంది. నెటిజన్లు కూడా ఫన్నీగా కామెంట్లు పెడుతున్నారు. ‘ఫోన్ కంటే ఆ చేపనే బాగుందని అనుకున్నాడేమో..’ అంటూ ఓ నెటిజన్ కామెంట్ పెట్టాడు. అయితే, ‘అది నిజమైన ఫోనేనా లేకపోతే కావాలని ప్రాంక్ వీడియో చేశారా?’ అంటూ మరికొందరు అనుమానాలు వ్యక్తం చేయడం గమనార్హం..!
శ్రీనివాస్ రెడ్డి గంగం సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఏపీ, తెలంగాణ, జాతీయ, అంతర్జాతీయ అంశాలపై వార్తలు, ప్రత్యేక కథనాలు అందిస్తుంటారు. EJS నుంచి శిక్షణ పొందిన శ్రీనివాస్‌కు జర్నలిజంలో 12 ఏళ్లకు పైగా అనుభవం ఉంది. JNTU నుంచి BTech చేశారు. గతంలో ప్రముఖ పత్రికల్లో వార్తలు, విద్యా సంబంధిత అంశాలు అందించారు.... మరిన్ని చదవండి
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
