వ్యాక్సిన్ ప్రయోగంలో మరో ముందడుగు.. కోతుల్లో కరోనా‌ను నిలువరించిన మోడెర్నా టీకా

అమెరికా సంస్థ ‘మోడెర్నా’ అభివృద్ధి చేసిన వ్యాక్సిన్ మూడో దశ క్లినియల్ ట్రయల్స్ ప్రారంభమయ్యాయి. ఇదిలా ఉండగా, కోతుల్లో కొవిడ్‌ను ఈ వ్యాక్సిన్ నిలువరించగలుగుతున్నట్లు తాజా అధ్యయనంలో వెల్లడయ్యిందని మోడెర్నా ప్రకటించింది. వైరస్‌‌ను నిర్వీర్యం చేసే బలిష్టమైన ప్రతిస్పందన వ్యవస్థను అది సృష్టించిందని.. కోతుల దిగువ, ఎగువ శ్వాసనాళాల్లో కరోనాను నియంత్రించిందని పేర్కొంది. ‘ఎంఆర్‌ఎన్‌ఏ1273’గా పిలిచే ఈ వ్యాక్సిన్ తొలి దశ ప్రయోగాల్లో సత్ఫలితాలనిచ్చినట్లు ఇప్పటికే తేలింది. తాజా, అధ్యయనం సైతం దాని పనితీరును ధ్రువీకరించింది.

Read Also: చపాతీ పిండిలో విషం కలిపి జడ్జి కుటుంబం హత్యకు మహిళ ప్లాన్.. ఇద్దరు మృతి

ఈ అధ్యయనంలో భాగంగా 24 రీసస్‌ కోతులను పరిశోధకులు మూడు బృందాలుగా విడగొట్టారు. ఓ బృందంలోని కోతులకు 10 మైక్రోగ్రాముల డోస్, మరో బృందానికి 100 మైక్రోగ్రాముల డోస్,మిగిలిన కోతులకు టీకా ఇవ్వలేదు. టీకా ఇచ్చిన కోతులు కరోనా బారిన పడ్డప్పటికీ.. వాటిలో వైరస్‌ శాతం పెరగలేదని పరిశోధకులు గుర్తించారు. కొవిడ్‌ నుంచి కోలుకున్న బాధితుల్లో ఉత్పన్నమవుతున్న యాంటీబాడీలతో పోలిస్తే.. వ్యాక్సిన్ పొందిన కోతుల్లోనే అధిక సంఖ్యలో ఉత్పత్తయినట్లు నిర్ధరించారు.

Read Also: