ముస్లిం మహిళలు సాధించిన ‘బుర్ఖిని’రేస్

ముస్లిం మహిళా స్విమ్మర్లు ఒంటినిండా ఉండే దుస్తులు ధరించి ఈత కొట్టేందుకు లండన్ ఔత్సాహిక అమేచర్ అసోషియేషన్ (ఏఎస్ఏ) అనుమతించింది. తమ సంప్రదాయం ప్రకారం..ఇతరులు ధరించినట్లు స్విమ్ సూట్లు ధరించలేమని...ఒంటినిండా వదులుగా ఉండే ‘బుర్ఖిని’ దుస్తులు ధరించి స్విమ్మింగ్ లో పాల్గొనేందుకు అవకాశం కల్పించాలని లండన్ ముస్లిం విమెన్స్ స్పోర్ట్ ఫౌండేషన్ గత కొంతకాలంగా పోరాడుతోంది.

కొన్ని దేశాల్లో ముస్లిం మహిళలు బుర్ఖినిలు ధరించి సముద్రాల్లో స్నానాలు కూడా చేయొద్దనే ఆంక్షలున్నాయి.

ఔత్సాహికులు అమేచర్ స్విమ్మింగ్ కాంపిటీషన్లలో మాత్రమే బుర్జిని ధరించి పాల్గొనవచ్చని....ఇతర పోటీలకు ఇది వర్తించదని ఏఎస్ఏలో తెలిపింది.

బుర్ఖినిలతో స్విమ్మింగ్ లో పాల్గొనే మహిళ దుస్తులపై రిఫరీలు ఏలాంటి ప్రశ్నలు సంధించరాదని ఏఎస్ఏ సూచించింది.

బుర్ఖిని ధరించి స్విమ్మింగ్ లో పాల్గొనేందుకు అవకాశం కల్పించడం వల్ల మరింత మంది యువతులు పోటీల్లో పాల్గొంటారని ముస్లిం మహిళలు హర్షం వ్యక్తం చేస్తున్నారు.

ఏలాంటి నిబంధనలు విధించకుండా అన్ని వర్గాలను తమ స్కిల్స్ వెలికి తీసేందుకు ఇలాంటి నిర్ణయాలు ఎంతో ఉపకరిస్తాయని ఏఎస్ఏ చైర్మన్ క్రిస్ బోస్టక్ అన్నారు.