కాబోయే ప్రెసిడెంటే నా హీరో: చెల్సియా

అమెరికాకు కాబోయే ప్రెసిడెంటే నా హీరో అని హిల్లరీ క్లింటన్ కుమార్తె చెల్సియా క్లింటన్ తెలిపారు. గురువారం రాత్రి ఫిలడెల్ఫియాలో జరిగిన సమావేశంలో పాల్గొన్న చెల్సియా(36) పాల్గొన్నారు. ఈ సందర్భంగా ఆమె ప్రసంగిస్తూ.. అమెరికా అధ్యక్ష ఎన్నికల్లో తన తల్లి హిల్లరీకి ఓటు వేసి గెలిపించాలని కోరారు. తన తల్లిని చూస్తుంటే తనకు ఎప్పుడూ గర్వంగా ఉంటుందన్న చెల్సియా.. తనను అన్ని రకాలుగా ప్రభావితం చేసిన వ్యక్తి ఆమేననన్నారు. ప్రతి సందర్భంలోనూ తల్లిగా ఆమె ఎప్పుడూ నాకు అండగా నిలిచారన్నారు. ప్రతి ఒక్కరినీ ప్రేమించడం, కరుణ అందించడం తన తల్లి దగ్గరి నుంచే నేర్చుకున్నానని తెలిపారు. ప్రజా సేవ గురించి హిల్లరీ ఎప్పడూ తనకు చెబుతుందన్నారు. ఎవరి కోసం పోరాడుతున్నామనే విషయాన్ని హిల్లరీ నిరంతరం గుర్తుంచుకుంటుందని ఆమె తెలిపారు. అధ్యక్షురాలిగా ఎన్నిక కాబోతున్న నా తల్లి దేశానికి గర్వకారణంగా నిలవబోతుందని ఆమె పేర్కొన్నారు. నా తల్లి, నా హీరో, కాబోయే అమెరికా అధ్యక్షురాలు అంటూ చెల్సియా ముగించారు. ప్రస్తుత అమెరికా అధ్యక్షుడు ఒబామా, అతని భార్య మిషెల్ కూడా హిల్లరీకి తమ సంపూర్ణ మద్దతు ప్రకటించిన సంగతి తెలిసిందే.