క్షీణించిన పాక్ మాజీ ప్రధాని నవాజ్ షరీఫ్ ఆరోగ్యం

పాకిస్తాన్ బహిష్కృత ప్రధాని నవాజ్‌ షరీఫ్‌ ఆరోగ్య పరిస్థితి క్షీణించింది. దీంతో ఆదివారం ఆయన్ను రావల్పండిలోని అదియాల జైలు నుంచి పాకిస్తాన్ ఇనిస్టిట్యూట్ ఆఫ్ మెడికల్ సైన్సెస్ (PIMS)కు తరలించారు. గుండె సంబంధిత సమస్యతో బాధపడుతున్న షరీఫ్‌కు జైల్లోనే కార్డియోగ్రామ్ పరీక్షలు నిర్వహించారు.

ప్రస్తుతం ఆయనకు కరోనరీ కేర్ యూనిట్‌లో చికిత్స అందిస్తున్నారు. 68 ఏళ్ల షరీప్ అవినీతి కేసులో పదేళ్ల జైలు శిక్ష విధించిన సంగతి తెలిసిందే. ఈ సందర్భంగా ఆయన జులై 13 నుంచి అదియాలా జైల్లో శిక్ష అనుభవిస్తున్నారు. షరీఫ్ ఆరోగ్య పరిస్థితిని తెలుసుకున్న జైలు సూపరింటెండెంట్ ప్రభుత్వ అనుమతి తీసుకుని ఆసుపత్రికి తరలించారు.