మన కొత్త నోట్లపై నేపాల్లో నిషేధం

భారత ప్రభుత్వం పాత రూ.500, రూ.1000 నోట్లపై నిషేధం విధించగా, పొరుగున ఉన్న నేపాల్ ప్రభుత్వం ఇందుకు విరుద్ధంగా మన కొత్త నోట్లపై నిషేధం విధించింది. నేపాల్ మనకు పొరుగునే ఉండటంతో అక్కడ మన కరెన్సీ పెద్ద మొత్తంలోనే ఉంది. భారీ సంఖ్యలో ఉపాధి కోసం భారత్ వచ్చే నేపాలీలు రూ.25 వేలలోపు భారత కరెన్సీని తమ దేశానికి తీసుకొని వెళ్లే వీలుంది.

భారత్‌లో కొత్తగా విడుదలైన రూ.500, రూ.2000 నోట్ల చలామణి నేపాల్‌లో చట్టవిరుద్ధమని నేపాల్‌ రాష్ట్రీయ బ్యాంకు (ఎన్‌ఆర్‌బీ) ప్రకటించింది. ఫెమా నిబంధనల ప్రకారం భారత్ నోటిఫికేషన్‌ విడుదల చేస్తేనే కోత్త నోట్లు నేపాల్‌లో చెల్లుతాయని’ ఎన్ఆర్‌బీ అధికార ప్రతినిధి నారాయణ్ పౌడెల్ తెలిపారు. ఫెమా నిబంధనల ప్రకారం విదేశీయులు కొత్త నోట్లను వాడాలంటే ఆర్‌బీఐ నోటిఫికేషన్ జారీ చేయడం తప్పనిసరి. దీంతో చట్టపరంగా చూస్తే నేపాల్‌లో పాత రూ.500, రూ.1000 నోట్లే చెల్లుబాటు అవుతాయి. నేపాల్లో దాదాపు రూ. 40 మిలియన్ల విలువైన భారత పాత కరెన్సీ నోట్లు ఉండే అవకాశం ఉందని ఎన్‌‌ఆర్‌బీ గతంలో ప్రకటించింది. ఇప్పుడు పాత నోట్లే తమ వద్ద చెల్లుబాటవుతాయి అని నేపాల్ ప్రకటించడంతో నల్ల బాబులు దీన్ని కూడా తమకు అవకాశంగా వినియోగించుకునే వీలుందేమో కదూ.