పదవిలో ఉండగానే పండంటి పాపకు జన్మనిచ్చారు న్యూజిలాండ్ ప్రధాని జెసిండా ఆర్డెర్న్ (37). న్యూజిలాండ్ చరిత్రలో ప్రధాన మంత్రిగా ఉంటూ బిడ్డకు జన్మనిచ్చిన తొలి మహిళగా ఆమె రికార్డులకెక్కారు. ఆక్లాండ్లోని ఓ ఆస్పత్రిలో జెసిండా గురువారం (జూన్ 21) వేకువజామున 4.45 గంటలకు పాపకు జన్మనిచ్చారు. ఈ విషయాన్ని ఆమె తన ఇన్స్టాగ్రామ్ ద్వారా వెల్లడిస్తూ హర్షం వ్యక్తం చేశారు. తాము తల్లిదండ్రులుగా మారడం కొత్త అనుభూతులకు గురిచేస్తోందని, చాలా ఆనందంగా ఉందని ఆమె పేర్కొన్నారు.
పాప బరువు 3.31 కిలోలు ఉన్నట్లు జెసిండా వెల్లడించారు. తాను బిడ్డను ఎత్తుకున్న ఫొటోను షేర్ చేశారు. ‘ఆరోగ్యవంతమైన పాపకు జన్మనివ్వడం నాకు చాలా సంతోషంగా ఉంది. ఆక్లాండ్ సిటీ హాస్పిటల్ డాక్టర్లకు కృతజ్ఞతలు’ అని ఆమె ఇన్స్టాగ్రామ్ పోస్ట్లో రాశారు.
గతేడాదే అక్టోబర్లో సంకీర్ణ ప్రభుత్వంలో ప్రధాని పదవిని చేపట్టిన జెసిండా.. అతి పిన్న వయసులో ఈ ఘనత సాధించిన రికార్డును కూడా సొంతం చేసుకోవడం విశేషం. పదవి చేపట్టే నాటికే తాను గర్భం దాల్చినట్లు జనవరిలో తెలిపారు. ఆ తర్వాత ఆరు నెలల పాటు సెలవు పెట్టారు. నాలుగు రోజుల కిందటే ఆస్పత్రిలో చేరిన జెసిండా.. డాక్టర్లు ముందుగా చెప్పిన 4 రోజులకు ముందే పాపకు జన్మనిచ్చారు.
జెసిండా మెటర్నిటీ లీవ్ పెట్టడంతో డిప్యూటీ ప్రైమ్ మినిస్టర్ విన్స్టన్ పీటర్స్ తాత్కాలిక ప్రధాని బాధ్యతలు చేపట్టారు. మరో 6 వారాల పాటు ప్రధాని కార్యాలయానికి దూరంగానే ఉంటానని జెసిండా తెలిపారు. బాధ్యతల నుంచి దూరంగా ఉన్నప్పటికీ.. క్యాబినెట్ పత్రాలన్నింటినీ పరిశీలిస్తున్నానని చెప్పారు..
ప్రధానిగా ఉంటూ బిడ్డకు జన్మనిచ్చిన తొలి వ్యక్తిగా పాకిస్థాన్కు చెందిన బెనజీర్ భుట్టో నిలిచారు. ఆమె 1990లో ప్రధాని పదవిలో ఉండగానే తల్లయ్యారు.
పాప బరువు 3.31 కిలోలు ఉన్నట్లు జెసిండా వెల్లడించారు. తాను బిడ్డను ఎత్తుకున్న ఫొటోను షేర్ చేశారు. ‘ఆరోగ్యవంతమైన పాపకు జన్మనివ్వడం నాకు చాలా సంతోషంగా ఉంది. ఆక్లాండ్ సిటీ హాస్పిటల్ డాక్టర్లకు కృతజ్ఞతలు’ అని ఆమె ఇన్స్టాగ్రామ్ పోస్ట్లో రాశారు.
గతేడాదే అక్టోబర్లో సంకీర్ణ ప్రభుత్వంలో ప్రధాని పదవిని చేపట్టిన జెసిండా.. అతి పిన్న వయసులో ఈ ఘనత సాధించిన రికార్డును కూడా సొంతం చేసుకోవడం విశేషం. పదవి చేపట్టే నాటికే తాను గర్భం దాల్చినట్లు జనవరిలో తెలిపారు. ఆ తర్వాత ఆరు నెలల పాటు సెలవు పెట్టారు. నాలుగు రోజుల కిందటే ఆస్పత్రిలో చేరిన జెసిండా.. డాక్టర్లు ముందుగా చెప్పిన 4 రోజులకు ముందే పాపకు జన్మనిచ్చారు.
జెసిండా మెటర్నిటీ లీవ్ పెట్టడంతో డిప్యూటీ ప్రైమ్ మినిస్టర్ విన్స్టన్ పీటర్స్ తాత్కాలిక ప్రధాని బాధ్యతలు చేపట్టారు. మరో 6 వారాల పాటు ప్రధాని కార్యాలయానికి దూరంగానే ఉంటానని జెసిండా తెలిపారు. బాధ్యతల నుంచి దూరంగా ఉన్నప్పటికీ.. క్యాబినెట్ పత్రాలన్నింటినీ పరిశీలిస్తున్నానని చెప్పారు..
ప్రధానిగా ఉంటూ బిడ్డకు జన్మనిచ్చిన తొలి వ్యక్తిగా పాకిస్థాన్కు చెందిన బెనజీర్ భుట్టో నిలిచారు. ఆమె 1990లో ప్రధాని పదవిలో ఉండగానే తల్లయ్యారు.