న్యూజిలాండ్ ప్రధాని ఆకస్మిక రాజీనామా

న్యూజిలాండ్ ప్రధాన మంత్రి పదవికి రాజీనామా చేస్తున్నట్లు జాన్ కీ ఆకస్మికంగా ప్రకటించారు. ఆయన రాజీనామా వార్తతో ఆ దేశ ప్రజలతో, ప్రపంచ దేశాధినేతలు ఒక్కసారిగా ఆశ్చర్యానికి గురయ్యారు. కుటుంబ కారణాల రీత్యానే పదవి నుంచి వైదులుగుతున్నట్లు జాన్ తెలిపారు. రాజీనామా చేయాలని నిర్ణయించడం తన జీవితంలో తీసుకున్న అత్యంత కఠిన నిర్ణయమని ఆయన వ్యాఖ్యానించారు.

డిసెంబర్ 12న జాన్ ప్రధాని పదవికి అధికారికంగా రాజీనామా చేయనున్నారు. ఆయన న్యూజిలాండ్ అభివృద్ధి కోసం ఎనలేని కృషి చేశారు. అమెరికాతో కివీస్ సంబంధాలను బలోపేతం చేశారు. ప్రపంచ ఆర్థిక వ్యవస్థలో 40 శాతం వాటా ఉన్న ట్రాన్స్ పసిఫిక్ పార్ట్‌నర్‌షిప్ (టీపీపీ)లో న్యూజిలాండ్‌ను 12వ సభ్యదేశంగా చేర్చారు. 2014లో జాన్ మూడోసారి ప్రధానిగా ఎన్నికయ్యారు. 2017లో జరగనున్న ఎన్నికల్లో పోటీ చేయబోనని ఆయన గతంలోనే ప్రకటించారు. జాన్ కీ స్థానంలో ఉప ప్రధాని బిల్ ఇంగ్లిష్ బాధ్యతలు చేపట్టే అవకాశాలున్నాయి.