మా మంచితనాన్ని బలహీనతగా తీసుకోవద్దు

భారత ఆర్మీ బుధవారం అర్థరాత్రి పాక్ నియంత్రణ రేఖ (LOC) ను దాటి వెళ్లి దాడులు ప్రారంభించింది. దీనిపై గురువారం మధ్యాహ్నం భారత ఆర్మీ (Indian Army) అధికారికంగా ప్రకటన చేసింది. ఆ ప్రకటన విషయం తెలిసిన అనంతరం పాక్ ప్రధానమంత్రి నవాజ్ షరీఫ్ (Nawaz shariff) భారత ఆర్మీ దాడులపై మాట్లాడినట్టు అక్కడి రేడియో ద్వారా తెలిసింది. శాంతి మంత్రాన్ని జపిస్తూ తాము సంయమనంతో ఉంటున్నామని, దానిని మా బలహీనతగా తీసుకోవద్దని భారత్ నుద్దేశించి అన్నారు. తమ సైన్యం అన్ని విధాలుగా సమర్థవంతమైన ఆర్మీ అని, ఎలాంటి పరిస్థితి వచ్చిన పోరాడుతుందని చెప్పుకొచ్చారు. భారత సైన్యం తమ భూభాగంలోకి చొచ్చుకొస్తే... తమ సైన్యం తగిన విధంగా సమాధానం చెబుతుందని అన్నారు.

భారత ఆర్మీ డీజీఎమ్ఓ సింగ్ గురువారం మధ్యాహ్నం పాకిస్తాన్ భూభాగంలోకి వెళ్లి చేసిన సర్జికల్ స్ట్రైక్స్ (Surgical Strikes) గురించి ప్రకటించారు. ఆ ఆపరేషన్ పూర్తయిందని తెలిపారు.