వాహనాలు, మొబైల్ ఫోన్స్ ఫ్యాన్సీ నెంబరు కోసం లక్షలు చెల్లించడానికి కూడా కొందరు సిద్ధపడతారు. ఓ వ్యాపారవేత్త సైతం తన వాహనం నెంబరు కోసం రూ.కోట్లు చెల్లించాడు. దుబాయ్లో జరిగిన ‘మోస్ట్ నోబుల్ నంబర్స్’ వేలంలో భారీ ధరకు ఫ్యాన్సీ నెంబరును దక్కించుకున్నాడు ఫ్రెంచ్-ఎమిరైట్ వ్యాపారవేత్త, టెలిగ్రామ్ వ్యవస్థాపకుడు పావెల్ వాలెరివిచ్ దురోవ్. ‘పీ7’ అనే కారు నంబరు ఏకంగా 55 మిలియన్ దిర్హామ్లు (దాదాపు రూ.122 కోట్లు) పలికింది. ఈ నెంబరు ప్రారంభ ధరను మొదట 15 మిలియన్ దిర్హామ్ల (దాదాపు రూ.33.5 కోట్ల)గా నిర్ణయించారు. వేలం ప్రారంభమైన తర్వాత 25 మిలియన్ దిర్హామ్ల వద్ద కొద్దిసేపు స్తబ్దుగా కొనసాగింది. ఆ తర్వాత 30 మిలియన్ దిర్హామ్లకు.. అనూహ్యంగా 55 మిలియన్ దిర్హామ్లకు చేరుకుంది. ‘పీ7’తో పాటు మిగతా నంబర్లు, మొబైల్ ఫ్యాన్సీ నంబర్లకూ వేలం నిర్వహించారు. ఈ వేలంతో మొత్తం 100 మిలియన్ దిర్హామ్లు (రూ.223 కోట్లు) సమకూరినట్లు అధికారులు వెల్లడించారు. ఇప్పటి వరకూ ‘మోస్ట్ నోబుల్ నెంబర్స్’ వేలంలో అత్యధికంగా 2008లో అబుధాబిలో ‘నంబరు 1’ను ఓ వ్యాపారవేత్త 52.2 మిలియన్ దిర్హామ్లకు కొనుగోలు చేశాడు. ఇప్పుడు ఆ ధరను పీ7 అధిగమించి కొత్త రికార్డు నెలకొల్పింది.
వీఐపీ నెంబరు ప్లేట్లు, మొబైల్ నెంబర్లను ఎమిరైట్స్ ఆక్షన్, దుబాయ్ రోడ్డు రవాణా సంస్థ, ఎస్టిసలాత్ అండ్ డ్యూ సంయక్తంగా వేలం నిర్వహించాయి. ఈ వేలం ద్వారా వచ్చిన ఆదాయం మొత్తం.. ‘వన్ బిలియన్ మీల్స్’ కార్యక్రమానికి విరాళంగా అందజేయనున్నట్టు అధికారులు తెలిపారు. ప్రపంచవ్యాప్తంగా ఆకలితో అలమటిస్తున్న ప్రజల కోసం ‘వన్ బిలియన్ మీల్స్’ కృషి చేస్తోందని వెల్లడించారు. రంజాన్ ఉదార స్ఫూర్తికి అనుగుణంగా వన్ బిలియన్ మీల్స్ ఎండోమెంట్ కార్యక్రమాన్ని దుబాయ్ పాలకుడు షేక్ మహమ్మద్ బిన్ రషీద్ ప్రారంభించారు.
Read More Latest International News And Telugu News
వీఐపీ నెంబరు ప్లేట్లు, మొబైల్ నెంబర్లను ఎమిరైట్స్ ఆక్షన్, దుబాయ్ రోడ్డు రవాణా సంస్థ, ఎస్టిసలాత్ అండ్ డ్యూ సంయక్తంగా వేలం నిర్వహించాయి. ఈ వేలం ద్వారా వచ్చిన ఆదాయం మొత్తం.. ‘వన్ బిలియన్ మీల్స్’ కార్యక్రమానికి విరాళంగా అందజేయనున్నట్టు అధికారులు తెలిపారు. ప్రపంచవ్యాప్తంగా ఆకలితో అలమటిస్తున్న ప్రజల కోసం ‘వన్ బిలియన్ మీల్స్’ కృషి చేస్తోందని వెల్లడించారు. రంజాన్ ఉదార స్ఫూర్తికి అనుగుణంగా వన్ బిలియన్ మీల్స్ ఎండోమెంట్ కార్యక్రమాన్ని దుబాయ్ పాలకుడు షేక్ మహమ్మద్ బిన్ రషీద్ ప్రారంభించారు.
Read More Latest International News And Telugu News