సార్క్ కూటమికి ప్రత్యామ్నాయంగా తెరపైకి మరో కూటమి

సార్క్ కూటమికి ప్రత్యామ్నాయంగా పాక్ మరో కూటమిని తెరపైకి తెస్తోంది. ఉమ్మడి సమస్యలను పరిష్కరించుకునేందుకు మధ్య ఆసియా దేశాలన్నీ కూటమిగా ఏర్పడదామని పాక్ ప్రతిపాదించింది. ఇటీవలే పాక్ లో జరగాల్సిన సార్క్ సదస్సుకు భారత్ సహా దక్షిణాసియా దేశాలు హాజరుకాలేమని తెలిపిన విషయం తెలిసిందే..దీంతో తాము దక్షిణాసియాలో ఏకాకి అయ్యామనే భావనలో ఉన్న పాక్ ...తమ పొరుగు దేశాలైన ఇరాక్, ఇరాన్ సహా మధ్య ఆసియా దేశాలను కలుపుకొని ముందుకువెళ్లాలని పాక్ నిర్ణయించింది. అందుకే కొత్త కూటమిని పాక్ తెరపైకి తెచ్చింది. కాగా ఈ కూటమిలో చేరేందుకు ఒక్క చైనా మినహా ఏ దేశంలో ముందుకు రావడం లేదు..

పాక్ చర్యతో సార్క్ దేశాలు ఆగ్రహం..

కొత్త కూటమిని తెరపైకి తీసుకురావడంతో దక్షిణాసియా దేశాలు పాక్ చర్యపై భగ్గుమంటున్నాయి. సమస్యలను పరిష్కరించేందుకు సార్క్ కూటమి ఉండగా .. ఇప్పుడు కొత్త కూటమి ఏర్పాటు చేయాల్సిన అవసరమేముందని దక్షిణాసియా దేశాలు పాక్ ను ప్రశ్నిస్తున్నాయి. దీనిపై పాక్ స్పందిస్తూ ఈ కొత్త కూటమి ఏర్పాటుతో మధ్య ఆసియా- దక్షిణాసియా సంబంధాలు మరింత మెరుగుపడతాయని చెబుతోంది. అయితే దీన్ని సార్క్ దేశాలు నమ్మే పరిస్థితిలో లేవు . పాక్ కొత్తకూటమి తెరపైకి తెచ్చి తన గోతిని తానే తవ్వుకుటోందని..ఈ చర్యతో దక్షిణాసియా దేశాలతో పాక్ సంబంధాలు శాశ్వతంగా తెగిపోయే అవకాశముందని విశ్లేషకులు అభిప్రాయపడుతున్నారు.