మహిళా ఎంపీకి తప్పని వేధింపులు!

సాధారణ మహిళలకే కాదు చట్టసభలకు ఎన్నికయ్యే మహిళలకూ వేధింపులు తప్పడం లేదు. పాకిస్థాన్ కు చెందిన ఓ మ‌హిళా ఎంపీ వేధింపుల‌కు గుర‌య్యారు.
వేధింపులు బరించలేక తాను ఆత్మహ‌త్య చేసుకుంటాన‌ని ఆమె వాపోయారు. ఆమెను వేధింపులకు గురి చేసింది ఓ మంత్రి కావడం మరీ దారుణం. మంత్రి ఇమ్‌దాద్ పితాఫీ త‌న‌ను పార్లమెంట్ ఆవ‌ర‌ణ‌లోని త‌న ప్రైవేట్ చాంబ‌ర్‌కు రావాల‌ని పిలిచార‌ని నుస్ర‌త్ స‌హ‌ర్ అబ్బాసీ అనే ఎంపీ ఆరోపించారు. ఇది లైంగిక వేధింపేన‌ని ఆమె అన్నారు.

తనపై జరిగిన వేధింపులపై పార్లమెంట్‌లో తీవ్ర నిర‌స‌న తెలిపినా.. మ‌హిళ అయిన డిప్యూటీ స్పీక‌ర్ కూడా ప‌ట్టించుకోలేద‌ని నుస్రత్ ఆరోపించారు. దీంతో ఆమె పార్లమెంట్‌లోనే ఓ చేతిలో పెట్రోల్ బాటిల్ ప‌ట్టుకొని ఆత్మహ‌త్య చేసుకుంటాన‌ని హెచ్చరించారు. ఈ ఘ‌ట‌న సోష‌ల్ మీడియాలో వైరల్ అయ్యింది. దీంతో ఫెడ‌ర‌ల్ పార్టీ నేత‌లు జోక్యం చేసుకోవాల్సి వ‌చ్చింది. ఈ సంఘటన శనివారం జరిగింది.

దీంతో దిగివ‌చ్చిన మంత్రి పితాఫీ పార్లమెంట్‌లోనే నుస్రత్‌ను క్షమాప‌ణ కోరారు. వివాదం స‌ద్దుమ‌ణిగింద‌ని నుస్ర‌త్ మంగ‌ళ‌వారం తెలిపార. అయితే పాకిస్థాన్‌లో మ‌హిళ‌ల ర‌క్షణ చ‌ట్టాల అమలు ఎంత దారుణంగా ఉందో దీన్నిబ‌ట్టి అర్థం చేసుకోవ‌చ్చ ఆమె ఆవేదన చెందారు.. ఎంపీల‌కే ర‌క్షణ లేక‌పోతే సాధార‌ణ ప్రజ‌ల ప‌రిస్థితి ఎలా ఉందో అర్థం చేసుకోవ‌చ్చని నుస్రత్ చెప్పారు.