దూరంగా చూడటానికి ఇదేదో బొమ్మ విమానంలా కనిపిస్తోంది కదూ! కానీ ఇది నిజంగా విమానమే. 162 మంది ప్రయాణికులను తీసుకొస్తోంది. కానీ ప్రమాదవశాత్తు రన్వే నుంచి జారి పక్కకు దూసుకెళ్లింది. వేగంగా వెళ్లి కొండ అంచున ఇరుక్కుపోయింది. కింద సముద్రం.. లోపల ప్రయాణికుల హాహాకారాలు. తలచుకుంటేనే భయమేస్తోంది కదూ.. ఈ ఘటన టర్కీలోని తూర్పు నల్ల సముద్ర ప్రాంతంలో ఉన్న ట్రాబ్జాన్ ఎయిర్పోర్టు వద్ద శనివారం రాత్రి జరిగింది. సహాయక సిబ్బంది ఎంతో శ్రమించి ఆదివారం తెల్లవారుజాము వరకు ప్రయాణికులందరినీ సురక్షితంగా బయటకు తీసుకువచ్చారు.
పెగాసస్ ఎయిర్లైన్స్కు చెందిన బోయింగ్ 737-800 విమానం శనివారం సాయంత్రం 162 మంది ప్రయాణికులతో టర్కీ రాజధాని అంకారా నుంచి బయలుదేరింది. ట్రాబ్జాన్ ఎయిర్పోర్టులో ల్యాండింగ్ అవుతున్న సమయంలో ప్రమాదవశాత్తు రన్వే నుంచి జారిపోయింది. సముద్ర వైపు దూసుకెళ్తూ.. కొండ అంచున బురదలో కూరుకుపోయింది. వెంటనే రంగంలోకి దిగిన సహాయక సిబ్బంది అత్యవసర ద్వారాల నుంచి 162 మంది ప్రయాణికులు, ఇద్దరు పైలట్లు, నలుగురు క్యాబిన్ సిబ్బందిని సురక్షితంగా కాపాడారు.
పెగాసస్ ఎయిర్లైన్స్కు చెందిన బోయింగ్ 737-800 విమానం శనివారం సాయంత్రం 162 మంది ప్రయాణికులతో టర్కీ రాజధాని అంకారా నుంచి బయలుదేరింది. ట్రాబ్జాన్ ఎయిర్పోర్టులో ల్యాండింగ్ అవుతున్న సమయంలో ప్రమాదవశాత్తు రన్వే నుంచి జారిపోయింది. సముద్ర వైపు దూసుకెళ్తూ.. కొండ అంచున బురదలో కూరుకుపోయింది. వెంటనే రంగంలోకి దిగిన సహాయక సిబ్బంది అత్యవసర ద్వారాల నుంచి 162 మంది ప్రయాణికులు, ఇద్దరు పైలట్లు, నలుగురు క్యాబిన్ సిబ్బందిని సురక్షితంగా కాపాడారు.