తొలిసారి మోడీ ఆఫ్రికా పర్యటన

ప్రధానమంత్రి మోడీ తొలిసారి ఆఫ్రికా పర్యటనకు వెళ్లారు. గురువారం ఉదయం ఆఫ్రికా దేశమైన మొజాంబిక్ రాజధాని మొపుటో కు చేరుకున్నారు. భారత ప్రధాని 1982 తరువాత ఇక్కడ పర్యటించిన తొలిప్రధాని మోడీయే. కాగా మొపుటోలో వివిధ కార్యక్రమాల్లో ఆయన పాల్గొంటారు. అక్కడి నుంచి గురువారం సాయంత్రం దక్షిణాఫ్రికా వెళతారు. జోహెన్నస్ బర్గ్, డర్బన్, ప్రిటోరియా తదితర నగరాలలో పర్యటిస్తారు. అనంతరం దక్షిణాఫ్రికా నుంచి టాంజానియా, కెన్యా దేశాల్లో పర్యటిస్తారు. ఆయా దేశాల ప్రధానులతో మోడీ సమావేశమవుతారు. ఆఫ్రికా దేశాలతో బంధాన్ని బలోపేతం చేసుకోవడమే మోడీ పర్యటన లక్ష్యం. వాణిజ్యం, పెట్టుబడులు, వ్యవసాయం, ఆహారరంగం, తీరప్రాంత రక్షణ, హైడ్రోకార్బన్‌లు తదితర రంగాల్లో పరస్పర సహకారం పెంపొందించుకునేందుకు పర్యటనలో ప్రాధాన్యం ఇవ్వనున్నారు.